QHL: «Barys» beıjińdik «Kýnlýn Red Stardy» jeńdi

<p>Qazaqstandyq &laquo;Barys&raquo; komandasy Qurlyqtyq hokkeı lıgasyndaǵy kezekti oıynyn elordada Qytaıdyń &laquo;Kýnlýn Red Star&raquo; (Beıjiń) komandasyna qarsy ótkizdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Elordalyq komanda bıylǵy maýsymdy sátsiz ótkizip keledi. Qazir týrnır kestesinde «Barys» 21 oıynnan keıin 18 upaımen 20-orynda turǵan edi. Aldaǵy ýaqytta pleı-off satysyna shyǵý úshin endi árbir oıynda jeńis qajet.

Qytaılyq komanda týrnır kestesinde «Barys» qatarlas keledi. Olar úshin de árbir jeńistiń mańyzy zor.

Kezdesý barysynda elordalyqtar alǵashqy bolyp esep ashty – 7-mınýtta Davıd Sklenıchka mergendik tanytty.

Ekinshi kezeńniń 22-mınýtynda «Kýnlýn Red Star» sapynan Nolan Moıl tarazy basyn teńestirdi.

Al «Barys» qatarynan Mıhaıl Rahmanov 24-mınýtta esepti ústemelese, qytaılyq klýbtan Devın Brosso 53-mınýtta kózdegen nysanadan múlt ketken joq.

Negizgi kezeń 2:2 esebimen teń aıaqtalyp, oıyn overtaımǵa ulasty. Overtaımda jeńimpaz anyqtalǵan joq. Býllıtte «Barystyń» joly boldy.

Endi astanalyq klýb 24 qazanda Reseıdiń «Avtomobılıstimen» (Ekaterınbýrg) sheberlik baıqasady.

Eske salsaq, budan buryn «Barys» komandasy úsh jeńilisten keıin jeńiske jetkenin jazǵan bolatynbyz.