QHL: «Barys» alǵashqy kezdesýinde «Neftehımıkke» ese jiberdi

<p>ASTANA. KAZINFORM - Qazaqstandyq &laquo;Barys&raquo; komandasy búgin Qurlyqtyq hokkeı lıgasyndaǵy alǵashqy oıynyn elordada Reseıdiń &laquo;Neftehımık&raquo; (Nıjnekamsk) komandasyna qarsy ótkizdi.</p>

Kezdesý barysynda elordalyq komandadan Ýeıd Ellıson 36- mınýtta esep ashsa, reseılik klýbtan Vladımır Brıýkvın 49-mınýtta tarazy basyn teńestirdi.

Foto: Vıktor Fedıýnın / Kazinform

Negizgi kezeńde 1:1 esebi tirkelip, oıyn overtaımǵa ulasty.

Overtaımda «Neftehımık» jeńis shaıbasyn soǵyp ketti.

Foto: Vıktor Fedıýnın / Kazinform

Eki komanda buǵan deıin 45 márte kezdesken. Onyń 26-y elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken.

Bıyl elordalyq klýb alǵashqy tórt oıynyn óz alańynda ótkizedi.

Foto: Vıktor Fedıýnın / Kazinform

Aldymen búgin «Neftehımık» (Nıjnekamsk) komandasyn qabyldasa, odan keıin 6 qyrkúıekte «Traktor» (Chelıabi), 9 qyrkúıekte «Amýr» (Habarovsk), 13 qyrkúıekte Belarýstiń «Dınamo» (Mınsk) komandalarymen sheberlik baıqasady.

Foto: Vıktor Fedıýnın / Kazinform

Elordalyq komanda jańa maýsymǵa daıyndyq aldynda bas bapkeri qyzmetine kanadalyq Devıd Nemırovskıdi shaqyrdy. 1993-2014 jyldar aralyǵynda hokkeıshi retinde oıyn kórsetken ol 2018 jyldan beri bapkerlik qyzmet atqaryp keledi.