KHDR Japonııaǵa qaraı taǵy zymyran ushyrdy

ASTANA.QazAqparat - Koreı Halyq Demokratııalyq Respýblıkasy Japon teńizine ballıstıkalyq zymyran ushyrdy. Bul týraly buqaralyq aqparat quraldary senbi, 26 tamyz kúni Ońtústik Koreıanyń áskerine silteme jasap habarlady.

Belgisiz úlgidegi raketa Kanvondo provıntsııasynan ushyrylyp, nysanaǵa deıin 250 shaqyrym ushyp ótti, dep habarlaıdy RIA Novostı.

Atalyp ótkendeı, bul Phenıan men Vashıngton arasynda ózara qoqan-loqylar bastalǵan ýaqyttan bergi alǵashqy ushyrylym.

Buǵan deıin KHDR Gýam aralyndaǵy Amerıkanyń bazasyna shabýyl jasaıtyndyǵyn aıtyp, ses kórsetken bolatyn, al AQSh prezıdenti Donald Tramp «áli eshkim kórmegen» jaýapty soqqy jasaýǵa ýáde etti.

Eske salaıyq, dúısenbi, 21 tamyz kúni AQSh pen Ońtústik Koreıa áskerıleri birlesken oqý-jattyǵýlardy bastady . KHDR muny Koreıa túbegindegi shıelenisti kúsheıtýge baǵyttalǵan dushpandyq áreketter dep baǵalady.