KHDR jańa ballıstıkalyq jáne jańartylǵan qanatty zymyrandardy synaqtan ótkizdi

<p>ASTANA.KAZINFORM - Soltústik Koreıa ýltra úlken oqtumsyqty jáne jańartylǵan qanatty zymyrandy alyp júrýge qabiletti jańa taktıkalyq ballıstıkalyq zymyrandy sátti synaqtan ótkizgenin málimdedi, dep jazady <a href="http://kcna.kp/ru/article/q/7d5be7e17d208cb7d8e0e4118aa52d67.kcmsf" target="_blank" rel="noopener">TsTAK.</a></p>

Soltústik Koreıa ortalyq telegraf agenttiginiń (TsTAK) málimetinshe, «Hvasonfo-11» dep atalatyn jańa zymyran KHDR-nyń Bas zymyran ǵylymy basqarmasy júrgizgen synaq kezinde salmaǵy 4,5 tonna bolatyn úlken oqtumsyqpen jabdyqtalǵan.

– Synaq maqsaty 320-ǵa deıingi ortasha qashyqtyqtaǵy nysanaǵa ýltra úlken oqtumsyq zymyranynyń soǵý dáldigin jáne ýltra úlken oqtumsyq jarylysynyń kúshin tekserý boldy, - delingen habarlamada. «Soltústik Koreıa kóshbasshysy Kım Chen Yn synaqtardy qadaǵalap, nátıjesine qanaǵattanǵanyn bildirdi», - dep jazdy agenttik.

Buǵan deıin Soltústik Koreıanyń soltústik-shyǵys baǵytta qysqa qashyqtyqtaǵy ballıstıkalyq zymyrandardy ushyrǵany habarlanǵan bolatyn.