KHDR zeńbirekpen oq atý oqý-jattyǵýyn ótkizdi

<p>Soltústik Koreıa jeksenbi kúni eldiń batys jaǵalaýynda zeńbirekpen 90-ǵa jýyq oq atty. <a href="Kazinform" target="_blank" rel="noopener">Kazinform</a> bul týraly <a href="https://en.yna.co.kr/view/AEN20240107002754315?section=news" target="_blank" rel="noopener">Yonhap</a> agenttigine silteme jasap habarlaıdy.&nbsp;</p>

Keshe osy óńirde úshinshi kún qatarynan zeńbirekpen oq atý oqý-jattyǵý jıyny ótti. 

Ońtústik Koreıa Shtab basshylary komıtetiniń (JCS) habarlaýynsha, olar Soltústik shekara syzyǵynan soltústikke qaraı teńiz býferli aımaǵynda artıllerııalyq atystar bolǵanyn anyqtady. Býferlik aımaq 2018 jylǵy koreıaaralyq áskerı kelisimge sáıkes qurylǵan.

JCS ókili Ońtústik Koreıa áskerıleri men azamattar zardap shekpegenin, jaýap retinde oqý jıynyn ótkizbeıtinin aıtty.

Juma kúni Soltústik Koreıa Ońtústik Koreıamen shekaraǵa jaqyn mańǵa 200-den astam artıllerııalyq snarıad ushyrdy, ońtústikkoreıalyq eki aral turǵyndaryna evakýatsııalaný týraly buıryq berilgen bolatyn. 

Buǵan jaýap retinde ońtústikkoreıalyq áskerıler 400 snarıad atqylap, óz manevrlerin jasady. 

Senbi kúni Phenıan batys jaǵalaýynan Sary teńizge qaraı taǵy da 60-qa jýyq snarıad atqylady.