KHDR-nyń zymyran ushyrýyna baılanysty shuǵyl otyrys ótedi
08:42, 15 Qyrkúıek 2017
ASTANA. QazAqparat - BUU Qaýipsizdik keńesi KHDR-dyń kezekti zymyran ushyrýyna baılanysty juma kúni shuǵyl keńes úshin jınalady. Bul týraly TASS-qa BUU dıplomatııalyq derekkózi habarlady.
Onyń aqparaty boıynsha, otyrys 16 qyrkúıekte Astana ýaqytymen saǵat 01:00-de ótedi. Reuters agenttiginiń habarlaýynsha, shaqyrylymǵa AQSh pen Japonııa bastamashylyq etken.
Aıta keteıik, KHDR juma kúni kezekti ballıstıkalyq zymyrandy ushyrdy. Ol Japonııanyń soltústigindegi Hokkaıdo aralynan Tynyq muhıtyna qaraı ushyp, Erımo múıisinen shyǵysqa qaraı 2,2 myń shaqyrym qashyqtyqqa qulaǵan.
Bul 1998 jyldan beri KHDR-dyń ushyrǵan zymyranynyń nemese onyń bólshekteriniń Japonııa aýmaǵynan altynshy ret ushyp ótýi.
Japonııa ókilderiniń pikirinshe, KHDR qurlyqaralyq ballıstıkalyq zymyran ushyrýy múmkin edi, biraq AQSh Qarýly kúshteri Phenıannyń ortasha qashyqtyqtaǵy ballıstıkalyq zymyran ushyrǵanyn aıtýda.