KHDR-degi qurǵaqshylyq: Ońtústik Koreıa kómekke 8 mln dollar bóledi
10:11, 11 Maýsym 2019
NUR-SULTAN. QazAqparat - Koreıa Respýblıkasy KHDR-ge azyq-túlik jaǵynan kómek kórsetý úshin osy aptada BUU shotyna $8 mln qarjy aýdarady. Bul týraly Yonhap agenttigine KHDR-degi qarym-qatynasqa jetekshilik etetin birlestik mınıstrligindegi derekkóz habarlaǵan.
«Qarjy BUU shotyna seısenbi nemese sársenbi kúni aýdarylady», - dep atap ótti ol.
2019 jyly KHDR qýańshylyq deńgeıi rekordtyq kórsetkishke jetti. Qańtardan 15 mamyrǵa deıingi aralyqta bul elde 56,3 mm jaýyn-shashyn jaýǵan. Bul sońǵy 102 jyldaǵy eń tómengi kórsetkish.
BUU Dúnıejúzilik azyq-túlik baǵdarlamasy (DATB) ókilderi respýblıkaǵa azyq-túlik jetkizý jaǵdaıyn qadaǵalap otyr. Uıymnyń habarlaýynsha, respýblıkanyń 10 mıllıonnan astam turǵynyna azyq-túlik jetpeı jatyr jáne kelesi eginge deıin azyq-túlik tapshylyǵy týyndaıdy.
2018 jyly KHDR-de aýa raıynyń qolaısyzdyǵyna baılanysty ónim sońǵy 10 jyldaǵy eń tómengi kórsetkishti kórsetken. DATB baǵalaýynsha, eger bıyl da egin shyqpasa, eldiń mıllıondaǵan azamatyna asharshylyq qaýpi tónip tur.