KHDR alǵash ret Ońtústik Koreıamen teńiz shekarasy arqyly zymyran ushyrdy
Ońtústik Koreıa prezıdenti bul oqıǵany «negizinen basqynshylyq» dep atady.
Soltústik Koreıanyń ushyrylǵan qysqa qashyqtyqtaǵy ballıstıkalyq zymyrany túbektiń shyǵys jaǵalaýyndaǵy demarkatsııalyq syzyqqa jaqyn ornalasqan Ońtústik Koreıanyń Sorhcho qalasynan shamamen 60 km qashyqtyqta teńizge qulady.
Ońtústik Koreıa jaýap retinde teńiz shekarasy arqyly teńizge úsh zymyran ushyrdy.
Ońtústik Koreıa prezıdenti ıÝn Sok El zymyrandy teńiz shekarasy arqyly ushyrý bul KHDR tarapynan «negizinen aýmaqty basyp alýǵa umtylý» ekenin aıtty.
Ońtústik Koreıa áskerıleriniń málimeti boıynsha, sársenbi kúni tańerteń soltústik koreıalyqtar kem degende 10 zymyran ushyrǵan.
Koreıa Respýblıkasynyń Bas shtaby Ońtústik Koreıa áskeri «KHDR tarapynan mundaı arandatýshylyqtarǵa jol bermeıtinin jáne Ońtústik Koreıa men AQSh-tyń tyǵyz yntymaqtastyǵy aıasynda tabandy jáne batyl túrde jaýap beriletinin» málimdedi.
Ońtústik Koreıa prezıdenti men Japonııa premer-mınıstri KHDR-da zymyrandardyń sońǵy ushyrylymdaryna baılanysty óz elderinde ulttyq qaýipsizdik keńesterin shaqyrdy.
Іs júzinde teńiz shekarasy arqyly ushqan zymyran odan 25 shaqyrym jáne Sokhcho qalasynan 57 shaqyrym jerde qulaǵan.
Bir kún buryn Phenıan Ońtústik Koreıa men AQSh-tan osy aptadaǵy birlesken oqý-jattyǵýlardy toqtatýdy talap etip, odan bas tartqan jaǵdaıda «qýatty» sharalardy qoldanamyz dep qorqytty.
Ótken aıda KHDR AQSh, Ońtústik Koreıa jáne Japonııa áskerı kúshteriniń birlesken oqý-jattyǵýlaryna jaýap retinde birqatar ushyrylymdar jasaǵan edi.
Foto: YONHAP/REUTERS