QHA jyly - N. Nazarbaevtyń beıbitshilik, kelisim, birlik pen bereke týraly ıdeıasynyń jyly

ASTANA. QazAqparat - Qazaqstan halqy Assambleıasynyń jyly - Elbasymyz Nursultan Nazarbaevtyń beıbitshilik, kelisim, birlik pen bereke týraly ıdeıasynyń jyly. Mundaı pikirdi búgin Astanada ótken QHA Jylynyń saltanatty ashylý rásiminde QHA Tóraǵasynyń orynbasary - Hatshylyq meńgerýshisi Eraly Toǵjanov aıtty.

"Qurmetti dostar! Men sizderdi QHA Jylynyń ashylýymen quttyqtaımyn. Bul Nursultan Nazarbaevtyń beıbitshilik, kelisim, birlik pen bereke týraly ıdeıasynyń jyly. Osydan úsh kún buryn bizdiń delegatsııamyz Túrkistannan qasıetti Taıqazandy alyp qaıtty. Endi ol elimizdiń barlyq óńirlerin aralap shyǵatyn bolady" - dep atap ótti ol.

E. Toǵjanovtyń aıtýynsha, Elbasynyń 2015 jyldy Qazaqstan halqy Assambleıasynyń jyly dep jarııalaýy teginnen-tegin emes. QHA jyly - birliktiń, eldiktiń, turaqtylyqtyń jyly bolmaq. "Sondyqtan árbir Qazaqstan azamatynyń tikeleı atsalysýynyń arqasynda ǵana birligimiz nyǵaıa túsedi. Osylaısha elimizdiń aty dúnıejúzine tanyla beredi", - deıdi E. Toǵjanov.

Esterińizge sala keteıik, búgingi saltanatty shara barysynda Astana ákimi Á. Jaqsybekov Taıqazandy Aqmola oblysynyń ákimi S. Kýlagınge tabystaǵan bolatyn.