QHA jyly «100 naqty qadam: Barshaǵa birdeı qazirgi zamanǵy memleket» ult jospary belgisimen ótýi tıis - G.Ábdiqalyqova (FOTO)

ASTANA. QazAqparat - Qazaqstan halqy Assambleıasy jyly «100 naqty qadam: Barshaǵa birdeı qazirgi zamanǵy memleket» ult jospary belgisimen ótýi tıis. Bul týraly búgin QHA jylyn uıymdastyrý jáne ótkizý jónindegi memlekettik komıssııa otyrysynda QR Memlekettik hatshysy Gúlshara Ábdiqalyqova aıtty.

«Jyldyń ekinshi jarty jyldyǵynda Qazaqstan halqy Assambleıasynyń jáne Konstıtýtsııanyń 20 jyldyq mereıtoılary «100 naqty qadam: Barshaǵa birdeı qazirgi zamanǵy memleket» ult jospary belgisimen ótýi tıis. Osyǵan oraı Mádenıet jáne sport, Bilim jáne ǵylym, Investıtsııalar jáne damý, Densaýlyq saqtaý jáne áleýmettik damý, Syrtqy ister, Ádilet mınıstrlikterine, Memlekettik qyzmet isteri jáne jemqorlyqqa qarsy is qımyl agenttigine Astana men Almaty jáne oblystardyń ákimderimen birlesip,Qazaqstan halqy assambleıasy jylyn ótkizý jumystarynyń barlyq mazmundyq bóligin 100 naqty qadam: Barshaǵa birdeı qazirgi zamanǵy memleket» ult josparynyń «biregeılik jáne birlik» atty tórtinshi ınstıtýttyq reformanyń basymdyqtaryn eskere otyryp túzýdi tapsyramyn», dedi G.Ábdiqalyqova.

Sonymen qatar, Memlekettik hatshy mınıstrlikter men vedomstvolarǵa QHA jylyn jáne Konstıtýtsııanyń 20 jyldyǵyn atap ótý sharalaryna qatysty naqty tapsyrmalar berdi.

Otyrys barysynda Qazaqstan halqy Assambleıasy jylynyń aralyq qorytyndysy shyǵarlyp, Assambleıa qyzmetin aqparattyq qoldaý jáne sharalar ult josparynyń júzege asyrylý máselesine qatysty suraqtar talqylandy.