QHA jumysyna halyqaralyq deńgeıdegi uıymdar qyzyǵýshylyq tanytady
14:36, 19 Qarasha 2013
ASTANA. 19 qarasha. QazAqparat - Qazaqstan halqy Assambleıasy postkeńestik keńistiktegi basqa Assambleıalardyń barlyǵynan erekshe. Óıtkeni ol Memleket basshysy basqaratyn birden-bir qoǵamdyq qurylym. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Parlamenti Májilisiniń depýtaty, Qazaqstan halqy Assambleıasynyń múshesi Ahmet Mýradov málimdedi.
«Qazaqstan halqy Assambleıasy postkeńestik keńistiktegi basqa Assambleıalardyń barlyǵynan erekshe. Óıtkeni ol Memleket basshysy basqaratyn birden-bir qoǵamdyq qurylym. Bul Assambleıanyń mártebesin halyqaralyq deńgeıdegi uıymdar qyzyǵýshylyq tanytatyn dárejege kóteredi», - dep atap ótti halyq qalaýlysy.
Onyń aıtýynsha, qandaı da bir shet elge Qazaqstannan delegatsııa baratyn bolsa, sol delegatsııanyń quramynda mindetti túrde QHA múshesi-etnıkalyq top jetekshisiniń bolýy Assambleıanyń mártebesin kórsetedi.