QHA «Jańǵyrý Joly» jastar qozǵalysy #MaskaTaǵyńyz atty naýqan bastady

NUR-SULTAN. QazAqparat - Qazaqstan halqy Assambleıasynyń «Jańǵyrý Joly» jastar qozǵalysy #MaskaTaǵyńyz úgit-nasıhat sharasyn ótkizdi, dep habarlaıdy QazAqparat QHA baspasóz qyzmetine silteme jasap.

Mundaǵy maqsat – kópshilik orynda, kóshede betperde taratyp, halyqty karantın tártibin qatań saqtaýǵa shaqyrý. Ózine jáne aınalasyndarǵa janashyr bolýdy taǵy bir márte eske salý jáne indettiń ary qaraı órship ketýine jol bermeý.

Іs-shara barysynda barlyq oblystaǵy QHA belsendileri kóshege shyǵyp, jol ústine, úı qabyrǵalaryna «Maska taǵyńyz! Densaýlyǵyńyzdy saqtańyz!» degen jazbalar qaldyrdy.

Qoǵamdyq oryndarda jeke gıgıenanyń mańyzdylyǵyn túsindirip, jıi antıseptık qoldaný, qolǵap kııýge shaqyrdy. Vırýstyń aldyn alý sharalarynyń mańyzdylyǵyna mán berdi.

Budan bólek, «Jańǵyrý Joly» Jastar qozǵalysynyń eriktileri pandemııa barysynda áleýmettik jaǵdaıy nashar toptarǵa, provızorlyq statsıonarlarǵa jáne jaǵdaıy tómen otbasylar men aq halatty abzal jandarǵa kómek kórsetýde.