QHA Reseı jáne Eýrazııa halyqtarynyń І Forýmyna qatysty
Forýmǵa Qazaqstan halqy Assambleıasymen qatar Qyrǵyz halqy Assambleıasy, Moldova halqy Assambleıasy, Belarýs Respýblıkasynyń, Armenııa Respýblıkasynyń jáne basqa elderdiń delegatsııalary, bıznes pen memlekettiń ózara is-qımyly, kásipkerlik, azamattyq sektordy damytý boıynsha ulttyq qatynastar salasyndaǵy federaldyq jáne óńirlik deńgeıdegi jetekshi sarapshylar qatysty. Forým sheńberinde delegattar ultaralyq qatynastardy saqtaý men úılestirý, halyqtar dostastyǵy men eýrazııalyq yqpaldastyq tetikterin qalyptastyrý boıynsha azamattyq bastamalardyń ózekti máselelerin talqylady.
Forým uıymdastyrýshylary aıtyp ótkendeı, saraptamalyq taldaýdan jáne júıeleýden keıin alqaly basqosýǵa qatysýshylardyń usynystary is-sharalar qararyna kiretinin jáne jańa ulttyq kún tártibin qalyptastyrý úshin federaldyq bılikke tanystyrylatyn bolady. Qoryta kele delegattar Máskeýde 2017 jylǵy maýsymda Eýrazııa halyqtarynyń sezin ótkizý týraly sheshm qabyldady, túrli elder dostastyǵynyń halyqaralyq birligi men dostyǵynyń belgisi retinde «Polıýs Mıra ı Drýjby» (2017 jylǵy sáýirde) Arktıkaǵa Halyqaralyq joǵary keńistikti ekspedıtsııa ІІІ jobasyna start berildi, «Eýrazııa halyqtarynyń Assambleıasy» qoǵamdyq qozǵalysy quryldy, sondaı-aq «Skaılıf TV» Birinshi Eýrazııalyq telearnasyn qurý jobasy qoldaý tapty. Osyndaı is-sharanyń mańyzdylyǵyn aıtqan forýmǵa qatysýshy Qazaqstan Respýblıkasy Parlamenti Májilisi tóraǵasynyń orynbasary Vladımır Bojko, Eýrazııa halyqtarynyń birligi - Nursultan Nazarbaev serpin bergen eýrazııalyq keńistiktegi jaǵdaıdy jan-jaqty damytý ekendigin atap ótti. Sondaı-aq, Májilis vıtse-spıkeri eýrazııalyq keńistikte damyp kele jatqan biryńǵaı mádenı eýrazııalyq keńistiktiń qalyptasýy úderisterine de toqtalyp ótti. Onda kúnnen kúnge ultaralyq qatynastardy nyǵaıtý, dostyq pen kelisimdi qoldaý qajettiligi pisip-jetilip keledi. Munsyz, onyń pikirinshe, ekonomıka damı almaıdy, halyq bólinip ketedi, mádenıet keri ketedi. «Bul túsinik terrorıstik qaýiptiń, dinaralyq qaqtyǵystardyń keńeıýinen týyndaıdy» - dep basyp aıtty V.Bojko. Sonymen qatar qazaqstandyq delegat reseı astanasyna sapary sheńberinde josparlarymen bólisti. «Biz Dýmada, Prezıdent Ákimshiliginde birqatar mańyzdy kelissózder júrgizemiz. Bizdiń osy forýmǵa saparymyz, qatysýymyz Reseımen jáne Ortalyq Azııa elderimen kórshiles qarym-qatynastarymyzdy nyǵaıtýdyń taǵy bir qadamy bolmaq», - dedi V.Bojko.
Forým sheńberinde Taǵzym taýynda «Melodıı edınstva» atty Reseı halyqtarynyń mádenıet pen óneriniń konkýrs-festıvali bastaý alǵan Reseı halyqtarynyń mádenıet pen óneri festıvaliniń gala-kontserti boldy. Onyń aıaqtalatyn kezeńin 2017 jylǵy maýsymda Memlekettik Kreml Saraıynda ótkizý josparlanyp otyr.