QHA Parlament Májilisiniń 5-shi shaqyrymyna 9 kandıdat usyndy

ASTANA. 26 jeltoqsan. QazAqparat /Marlan Jıembaı/ -Búgin elordada Qazaqstan halqy Assambleıasy Keńesiniń otyrysy ótip, onda QR Parlamenti Májilisiniń 5-shi shaqyrymy depýtattyǵyna 9 kandıdat usynyldy.

«Assambleıa qaraýy úshin qurylǵan kandıdattar tizimin jasaý barysynda jumys toby birqatar krıterıılerdi esepke ala otyryp, tyńǵylyqty jumys istedi. Atap aıtqanda, óńirlik qamtýy, genderlik teńdiktiń saqtalýy, depýtattyq top sabaqtastyǵynyń jáne iri etnıkalyq toptar ókildiginiń qamtamasyz etilýi kózdeldi», - dep atap ótti kandıdattar tizimin jarııa etken Qazaqstan halqy Assambleıasy tóraǵasynyń orynbasary Eraly Toǵjanov.

Sonymen QHA atynan usynylǵan kandıtattar: Jumataı Álıev, ulty - qazaq, «Turaqty Qazaqstan» qorynyń jetekshisi. Murat Ahmadıev, ulty - uıǵyr, Uıǵyrlardyń respýblıkalyq mádenı ortalyǵy basqarmasynyń múshesi, QR Parlamenti Májilisi 4-shi shaqyrylymynyń depýtaty. Egor Kapel, ulty - nemis, QR Parlamenti Májilisi 4-shi shaqyrylymynyń depýtaty, Roman Kım, ulty - káris, Qazaqstan káristeri qaýymdastyǵynyń basshysy. Ahmet Mýratov, ulty - sheshen, Halyqaralyq sheshender qaýymdastynyń vıtse-prezıdenti. Nadejda Nesterova, ulty - orys. Zýhra Saıapova, ulty - tatar. Astana qalasyndaǵy «Tan» tatar-bashqurt mádenı ortalyǵynyń tóraǵasy, ıÝrıı Tımoshenko, ulty - ýkraın, Qazaqstan ýkraınderi radasy odaǵynyń jetekshisi, Rozakýl Halmýradov, ulty - ózbek, QR Parlamenti Májilisi 4-shi shaqyrylymynyń depýtaty.