QHA ókilderi qazaqstandyqtardy Táýelsizdik kúnimen quttyqtady

NUR-SULTAN. QazAqparat – Qazaqstan halqy Assambleıasynyń ókilderi el turǵyndaryna Táýelsizdik kúni merekesimen quttyqtady, dep habarlaıdy QazAqparat assambleıanyń resmı saıtyna silteme jasap.

«Qurmetti otandastar! Qazaqstan halqy Assambleıasy sizderdi ulttyq mereke – Qazaqstan Respýblıkasynyń Táýelsizdik kúnimen shyn júrekten quttyqtaıdy!

Táýelsizdik kúni qazaq halqynyń san ǵasyrlyq armany oryndalyp, onyń shyn máninde júzege asýynyń sımvolyna aınaldy.

Tarıh qazaqstandyqtardyń qazirgi býynyna uly mindet – jańa memleket qurý mindetin júktedi.

Tarıhı mindet el men onyń halqynyń ulylyǵyn jańǵyrtýǵa qabiletti shynaıy halyq kóshbasshylaryn týǵyzady.

Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń jáne qazaqstandyqtardyń birliginiń arqasynda azattyqqa, egemendikke, azamattyq tatýlyq pen kelisimge degen umtylysymyz shynaıy ómirge aınaldy.

Táýelsizdik jyldary biz berik irgetas - senimdi ekonomıkalyq negizdi, tıimdi demokratııalyq saıası jáne azamattyq qurylymdy, myqty áleýmettik bazany qalyptastyrdyq.

Búginde biz óz jetistikterimizdi odan ári arttyrýdamyz.

Memleket basshysy Elbasynyń – ortaq bolashaǵymyzdy qurý jáne qalyptastyrý kózdelgen strategııalyq baǵytynyń sabaqtastyǵyn – órkendep damyǵan jáne «halyq únine qulaq asatyn memleket» qurý degen naqty jáne túsinikti tetigin belgilep berdi.

Bizde is-qımyl jasaýdyń birtutas strategııasy bar, bizde yntymaqtastyq pen tek alǵa basý nıetimiz bar. Bizdiń ustanymymyz – «Áralýandyqtaǵy birlik». Birlik degenimiz – Táýelsizdiktiń negizi, halyqtyń baqýattylyǵynyń negizi. Bul bizdiń jetistigimizdiń basty sharty jáne kepili bolyp tabylady.

Biz ár otbasyna densaýlyq, baqyt jáne turaqtylyq tileımiz. Sizderdiń úılerińizde árqashan qýanysh bolyp, kelisim jáne ózara túsinistik ornasyn!

Bizdiń Otanymyz — Táýelsiz Qazaqstan órkendeı bersin!

Uly dala eli máńgilik bolsyn!»,-delingen quttyqtaýda.