QHA oblystyq JOO-larda toleranttylyq kafedralaryn qurýda

ASTANA. QazAqparat - Qazaqstan halqy Assambleıasy oblys ortalyqtaryndaǵy joǵary oqý oryndarynda toleranttylyq kafedralaryn qurýdy qolǵa aldy.

Bul týraly búgin Ortalyq kommýnıkatsııalar qyzmetinde ótken brıfıngte QR Parlamenti Senatynyń depýtaty, Orys, slavıan jáne kazak uıymdary qaýymdastyǵynyń tóraǵasy Anatolıı Bashmakov aıtty.

«Osydan jarty jyl buryn Qazaqstan halqy Assambleıasynyń bastamasy boıynsha Eýrazııa ulttyq ýnıversıtetinde tuńǵysh toleranttylyq kafedrasy ashyldy. Eki kúnnen keıin týra osyndaı kafedrany Kókshetaýda ashamyz, sosyn Qostanaı, Qyzylorda, Pavlodarda, sondaı-aq Astanadaǵy Qazaq agrotehnıkalyq ýnıversıtetinde ashamyz. Osylaısha biz mundaı kafedralardyń tutastaı bir jelisin quramyz», - dedi ol.

Onyń aıtýynsha, EUÝ-degi birinshi kafedra ádistemelik ortalyq retinde bolady. «Olar mádenıetti damytýǵa kóp kómegin tıgizedi degen oıdamyz», - dep atap ótti depýtat.