QHA-nyń jańartylǵan saıtynda radıo aıdar ashylýy múmkin

ASTANA. QazAqparat - QHA-nyń jańartylǵan saıtynda radıo aıdar ashý múmkindigi bar. Bul týraly búgin Ortalyq kommýnıkatsııalar qyzmetindegi brıfıngte «Astana» radıosynyń dırektory Gúlmıra Qarakózova málim etti.

Aıta keteıik, brıfıng barysynda Qazaqstan halqy Assambleıasy ókilderiniń qatysýymen Assambleıanyń jańartylǵan saıty (assembly.kz) tanystyrylady.

«Bizdiń radıonyń efırindegi dybystyq materıaldar men baǵdarlamalar Assambleıa saıtynda paıda bolýyna qyzyǵýshylyq tanytyp otyrmyz. Atap aıtqanda, saıttyń medıakartasy bundaı qadamdarǵa múmkindik beredi. Meniń oıymsha, osyǵan telearnalar da tartylatyn bolady, sebebi, kóp telearnalar túrli etnostardyń ómiri jaıynda qyzyqty jobalardy túsirýde. Óte jetildirilgen jáne qazirgi zamanǵy taoaptarǵa sáıkes jasalǵan saıt. Osy oraıda ol bolashaqta óziniń radıo aıdary men mını-onlaın teleefırin bizdiń Assambleıa úshin ashýǵa múmkindik beredi dep paıymdaımyn»,-dedi Gúlmıra Qarakózova.

«Qazkontent» AQ basqarmasy tóraǵasynyń orynbasary Nartaı Áshimniń sózine qaraǵanda, saıt búgingi kúnniń dızaıny men ınternet resýrstardyń qurylymyna qoıylatyn talaptarǵa sáıkes jańartylyp jasaldy. Portal úsh tilde qyzmet etedi. Onda kózi nashar kóretin azamattarǵa arnalǵan nusqa qarastyrylǵan. Saıtta negizgi grafıkalyq element arnaıy jobalarǵa jasalǵan, ıaǵnı bunda grafıkalyq banner aqparattyq blogy ornalasqan. Sonymen qatar onda jańalyqtar blogy men aımaqtyq jańalyqtar qamtylǵan. Mýltemedııalyq bólimde QHA-nyńsharalar kúntizbesi, foto jáne beıne galereıasy ornalasqan.