QHA: «Meniń Shoqanym» respýblıkalyq mádenı-aǵartýshylyq jobasy qorytyndylandy
Oǵan QR Parlamenti Májilisiniń depýtattary, QHA músheleri, etnomádenı birlestikter, jobanyń óńirlik jeńimpazdary men qatysýshylary, Shoqan eńbekterin zertteýshiler, shyǵarmashylyq jáne ǵylymı zııaly qaýym, Astana qalasy kitaphanalarynyń qyzmetkerleri qatysty.
L.N.Gýmılev atyndaǵy EUÝ QHA kafedrasynyń meńgerýshisi, QHA múshesi Anatolıı Bashmakov óz sózinde atalmysh is-sharanyń ózektiligine toqtaldy. «Búgin, QHA jyly aıasynda erekshe rýhanı is-shara ótýde. Mundaı jobalar bizdiń boıymyzda eń ıgi rýhanı jáne adamgershilik qasıetterdi qalyptastyrady», - dedi ol.
Іs-shara barysynda joba jeńimpazdarynyń jumystary tanystyryldy, sarapshylardyń pikirleri tyńdaldy, sondaı-aq qatysýshylardyń nazaryna Sh.Ýálıhanovtyń ǵylymı murasy boıynsha daıyndalǵan taqyryptyq kórme usynyldy.
M.V.Lomonosov atyndaǵy MMÝ qazaqstandyq fılıaly dırektorynyń orynbasary, fılologııa ǵylymdarynyń doktory, L.N.Gýmılev atyndaǵy EUÝ «Jalpy til bilimi men aýdarma teorııasy» kafedrasynyń professory Nursulý Shaımerdenova «Meniń Shoqanym» jobalar baıqaýyn uıymdastyrǵan Qazaqstan halqy Assambleıasyna úlken alǵysyn aıtty. «Búgingi joba qatysýshylarynyń eńbekteri Shoqan Ýálıhanov sekildi birtýar azamattyń tulǵasyn odar ári asha túsedi»,-dedi ol.
«Meniń Shoqanym» jobalar baıqaýynyń qorytyndysy boıynsha Áýlıekól aýdandyq kitaphanasynyń ádiskeri Fatıma Ismaılova jáne Qostanaı oblysynyń «Áýlıekól aýdandyq kitaphanasy» memlekettik mekemesi balalarmen jumys boıynsha dırektor orynbasary Lıýdmıla Danılıýk І-oryn ıegerleri atandy.
ІІ-oryndy Stepnogor qalasynyń ortalyqtandyrylǵan kitaphanalar júıesi enshiledi. Al N.Ostrovskıı atyndaǵy ortalyq qalalyq kitaphana (Qostanaı q.) ІІІ orynǵa ıe boldy.
Іs-shara sońynda Qazaqstan halqy Assambleıasynyń alǵys hattary tapsyryldy.
Eske ala ketsek, bul jobany júzege asyrý týraly 2015 jylǵy sáýir aıynda Qazaqstan halqy Assambleıasy jyly aıasynda uıymdastyrylǵan Respýblıkalyq aktsııa - «Meniń Qazaqstanym!» poıyzy barysynda Almaty oblysy Kerbulaq aýdanynyń ortalyǵy Saryózekte Sh. Ýálıhanov atyndaǵy «Altyn emel» memlekettik memorıaldyq murajaıynda jarııalandy.
Joba elimizdiń barlyq oblystary men qalalarynda ótti. Oblystar men Astana, Almaty qalalarynda usynylǵan jobalarǵa irikteý jasalyp, respýblıkalyq deńgeıge 18 joba joldandy.
Jobalardyń mazmuny Sh. Ýálıhanovtyń ómir joly men qyzmeti týraly bilimdi tereńdetip jınaqtaýǵa, onyń tulǵalyq kóp qyrlylyǵyn ashýǵa, jastardyń boıynda patrıottyq rýhty jáne Otanǵa degen súıispenshilikti, maqtanysh sezimi men jaýapkershilikti tárbıeleýge baǵyttalady.