QHA men Joǵarǵy Sot janyndaǵy departament medıatsııa ınstıtýtyn damytý jónindegi memorandýmǵa qol qoıdy
Qol qoıý rásimi Qazaqstan halqy Assambleıasy Qoǵamdyq kelisim respýblıkalyq keńesiniń keńeıtilgen otyrysy sheńberinde ótti.
Memorandýmǵa qol qoıýdyń negizgi maqsaty - qoǵamdaǵy shıelenistiń deńgeıin tómendetýge áser etetin daýlardy sotqa deıingi retteý, sonyń ishinde medıatsııa ınstıtýtyn damytý men ony jan-jaqty engizý boıynsha birlesken is-sharalardy iske asyrý.
Memleket basshysy sýdıalardyń VI sezinde sot tártibinde qaralatyn daýlardyń sanyn qysqartýdyń, olardy sheshýdiń balamaly túrlerin engizýdiń, tatýlastyrý rásimderin jáne medıatsııany damytýdyń mańyzdylyǵyn aıtqan bolatyn.
Qazirgi ýaqytta medıatsııa ınstıtýty qoǵam arasynda jáne kásibı zańgerler tarapynan qoldaý taýyp keledi. Osy jyldyń 5 aıy boıynsha tatýlastyrý rásimderimen sheshilgen ister byltyrǵy jylǵa qaraǵanda eki esege jaqyn ósimdi kórsetip otyr (2016 jyl - 9 394, 2015 jyl - 5 347).
Sonymen qatar, daýlardy sottan tys jáne sotqa deıingi retteý ınstıtýtyn qoldanýdy keńeıtý úshin oblystyq jáne olarǵa teńestirilgen sottar men ákimdikter jáne qoǵamdyq uıymdar arasynda memorandýmdarǵa qol qoıý jumystary júrgizilip keledi.
Osyndaı memorandýmdarǵa is júzinde barlyq oblystyq sottar men ákimdikter qol qoıdy. Olarda daýlardy sotqa deıingi jáne sottan tys retteý boıynsha túsindirý jumystaryn jandandyrý, sáıkesinshe medıa-jospar qabyldaý, eldi-mekenderde medıatsııa kabınetterin ashý jumystaryn jalǵastyrý, onyń qyzmetine otstavkadaǵy sýdıalardy tartý, kásibı emes medıatorlardyń rólin kúsheıtý, medıatorlardy daıarlaý boıynsha semınar-trenıngter ótkizý jáne taǵy basqa is-sharalar qarastyrylǵan.