QHA medıatorlarǵa aqy tóleýdi usyndy

NUR-SULTAN. QazAqparat – Qazaqstan halqy Assambleıasy Tóraǵasynyń orynbasary, kásibı medıator ıÝsýp Kelıgov bıýdjet qarajatynan medıatorlyq kómekke aqy tóleý máselesin kóterdi, dep habarlaıdy QazAqparat tilshisi.

«Árıne, medıatsııa týraly zańdy ázirleýde birqatar jumys atqaryldy. Biraq, medıatorlarǵa aqy tóleý máselesi qarastyrylmaǵan. Advokat qyzmetiniń memleket tarapynan qarjylandyrýy úshin bıýdjetten qarajat bólinedi. Bizdiń jaǵdaıda da qarapaıym azamattarǵa medıator qoljetimdi bolýy úshin – bıýdjetten qarjylandyrý júrgizilýi tıis. Bizdiń pikirimizshe, bul máseleni sheshý medıatsııa ınstıtýtyn damytýǵa kúsh beredi. Aqy tóleý eń negizgi másele bolyp qalyp otyr», - dedi ıÝsýp Kelıgov elordada Dostyq úıinde ótken Medıatsııa týraly ǵylymı-praktıkalyq konferentsııada.

Onyń aıtýynsha, bul máseleni zańdyq turǵyda sheshýge bolady. Osylaısha, medıatorlardyń mártebesin, jaýapkershiligi men halyq aldyndaǵy senimin arttyrýǵa bolady.

Sondaı-aq, ıÝ. Kelıgov Qazaqstan halqy Assambleıasy janynda medıatsııa ortalyqtary jumys isteıtinin eske saldy. Ótken jyly QHA-ǵa azamattardan 33 myń shaǵym kelip túsken.

«QHA ortalyqtarynda keı adamdar birinshi otyrysta-aq daýly máselesin sheship, beıbit tarqasty. Bul medıatsııa ınstıtýtynyń qanshalyqty mańyzdy ekenin kórsetedi. 13 749 jaǵdaıda daý-damaý konsýltatsııa kezeńinde sheshildi. Al 11 myń jaǵdaıda taraptar kelisimge qol jetkizdi», - dedi ıÝ. Kelıgov.