QHA: Qoǵamdyq kelisim keńesi áleýmettik daýlardy sheshetin tıimdi tetikke aınaldy

ASTANA. QazAqparat - Qoǵamdyq kelisim keńesi áleýmettik daýlardy sheshýde tıimdi tetikke aınaldy, dedi búgin Beıbitshilik jáne kelisim saraıynda ótken Qazaqstan halqy Assambleıasynyń qoǵamdyq kelisim keńesiniń keńeıtilgen otyrysyna qatysqan QHA hatshylyǵy meńgerýshisiniń orynbasary Leonıd Prokopenko.

«Assambleıanyń 20-shy sessııasynda Prezıdent bes ınstıtýttyq reformany júzege asyrý aıasynda Qoǵamdyq kelisim keńesiniń qurýdy tapsyrǵan bolatyn. Memleket basshysy qadap aıtqandaı, memlekettiń odan arǵy qurylysynda Assambleıanyń basty mindeti etnoaralyq kelisimdi saqtap qana qoımaı, qoǵamdyq kelisimdi saqtaýǵa da úles qosý kerek. qoǵamdyq kelisim týraly ıdeıa - bul Konstıtýtsııanyń basty prıntsıpi. Qoǵamdyq kelisim - Ult jospary men «Máńgilik el» patrıottyq ıdeıasyn júzege asyrýdaǵy basty quraldyń biri»,-dedi L.Prokopenko.

 

Onyń aıtýynsha, Prezıdenttiń Qoǵamdyq kelisim keńesin qurý týraly tapsyrmasy Qazaqstan halqy Assambleıasynyń 2020 jylǵa deıingi damý tujyrymdamasyna da qosylǵan.

Jalpy, Keńestiń jumysyna Reseı Federatsııasynyń ókilderi de qatysyp, ultaralyq kelisim men qoǵamdyq kelisim ınstıtýttary týraly oılaryn ortaǵa saldy.