QHA keńesiniń keńeıtilgen otyrysy ótti

NUR-SULTAN. QazAqparat - Búgin Qazaqstan halqy Assambleıasynyń XXVII sessııasy qarsańynda Assambleıa keńesiniń keńeıtilgen otyrysy ótti, dep habarlaıdy QazAqparat tilshisi.

Otyrys jumysyna QR Memlekettik haktshysy Marat Tájın, QHA Tóraǵasynyń orynbasary - Hatshylyq meńgerýshisi Janseıit Túımebaev, QHA keńesiniń músheleri, QR Parlamenti Májilisiniń depýtattary, qoǵam qaıratkerleri, ǵylymı jáne shyǵarmashylyq qaýym ókilderi, Nur-Sultan, Almaty jáne Shymkent qalalary men oblystyq assambleıalar hatshylyqtarynyń meńgerýshileri qatysty.

Jıyndy ashqan Marat Tájın QR Tuńǵysh Prezıdenti - Elbasy Nursultan Nazarbaevtyń bastamasymen qurylǵan qazaqstandyq qoǵamdyq kelisim modeli men Qazaqstan halqy Assambleıasy polıetnostyq jaǵdaıdaǵy memlekettik qurylystyń úzdik álemdik tájirıbesine qosylǵan úles bolyp tabylatyndyǵyn atap ótti.

Otyrysta QR Aqparat jáne qoǵamdyq damý mınıstri Dáýren Abaev, Batys Qazaqstan oblysynyń ákimi Altaı Kólginov, QHA Tóraǵasynyń orynbasary - Hatshylyq meńgerýshisi Janseıit Túımebaev, Májilis depýtattary Qýanysh Sultanov pen Albert Raý jáne basqalary sóz sóıledi.

Sharaǵa qatysýshylar QHA keńesiniń qyzmeti boıynsha birqatar sheshim qabyldady. Sondaı-aq 2019 jylǵy 29 sáýirde ótetin QHA sesııasyna daıyndyq pen ótkizý máselelerin talqylady.