QHA Keńesi usynǵan Parlament Májilisiniń depýtattyǵyna kandıdattar OSK-ge tirkeý úshin qajetti qujattar usyndy
Usynylǵan qujattar qatarynda Assambleıa Keńesiniń depýtattyqqa kandıdattardy usyný týraly hattamasynan úzindi kóshirme, depýtattyqqa kandıdat bolyp daýysqa túsýge kelisim berý týraly ótinish, Qazaqstan halqy Assambleıasynyń Keńesi usynǵan árbir adam týraly ómirbaıandyq derekter, salyq organynyń Qazaqstan halqy Assambleıasynyń Keńesi usynǵan kandıdattardyń jáne olardyń jubaılarynyń tabysy men múlki týraly deklaratsııa tapsyrǵany týraly anyqtamalary bar.
Aıta keteıik, 26 aqpanda «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýtsııalyq zańynyń 87-babyna jáne «Qazaqstan halqy Asssambleıasy týraly» Qazaqstan Respýblıkasy Zańynyń 10-babyna sáıkes QHA Keńesi Qazaqstan halqy Assambleıasy saılaıtyn Qazaqstan Respýblıkasy Parlamenti Májilisiniń depýtattyǵyna 9 kandıdat usyndy. Olar mynalar: Saýytbek Abdrahmanuly Abdrahmanov, Vladımır Karpovıch Bojko, Natalıa Vasılevna Jumadildaeva, Roman Ýkenovıch Kım, Narıne Gamletovna Mıkaelıan, Ahmed Seıdarahmanovıch Mýradov, Shaımardan Ýsaınovıch Nýrýmov,ıÝrıı Evgenıevıch Tımoşenko, Shakır Hýsaınovıch Hahazov.
2016 jylǵy 21 naýryzǵa taǵaıyndalǵan Qazaqstan halqy Assambleıasy saılaıtyn Qazaqstan Respýblıkasy Parlamenti Májilisi depýtattaryn kezekten tys saılaýdy ázirleý men ótkizý jónindegi negizgi is-sharalardyń kúntizbelik josparyna sáıkes Qazaqstan halqy Assambleıasy usynǵan Qazaqstan Respýblıkasy ParlamentiMájilisiniń depýtattyǵyna kandıdattardy tirkeý 2016 jylǵy 29 aqpan-5 naýryz aralyǵyndaǵy kezeńde júrgiziledi.