QHA Keńesi: Qoǵamdaǵy turaqtylyq pen kelisim - Táýelsiz elimizdiń basty qundylyǵy
«Ár jyl saıyn mamyrajaı mamyrdyń 1-shi juldyzynda elimizde yrys pen yntymaqtyń aıtýly merekesi Qazaqstan halqynyń birligi kúni atap ótiledi.
Bul jarqyn mereke halqymyzdyń ıgi dástúrine, El Prezıdenti, Elbasy N.Á.Nazarbaev qalyptastyrǵan beıbitshilik pen qoǵamdyq kelisimniń qazaqstandyq úlgisiniń kórnekti sımvolyna aınaldy.
Beıbitshilik, Dostyq, Kelisim - bul sózderdiń tórkini tereń. Bul týǵan jerge degen ystyq yqylasty, senim men toleranttylyqqa tolysqan qoǵamdy, Otanǵa degen súıispenshilik sezimdi, jalpyulttyq kelisimdi aıshyqtaıdy. Altyn araıly shańyraq astyna uıysqan halqymyz barsha álemge birlik pen órkendeýdiń úlgisin kórsetip otyr.
Qoǵamdaǵy turaqtylyq pen kelisim - bul Táýelsiz elimizdiń basty qundylyǵy, sondaı-aq el damýynyń negizgi sharty.
Barshańyzdy Qazaqstan halqy birligi kúni merekesimen quttyqtaýymyzdy qabyl alyńyzdar! Sizderge densaýlyq, baqyt, bereke, yrys, yntymaq tileımiz!
Eldigimiz eńseli, memlekettigimiz máńgi bolsyn!», delingen quttyqtaýda.