QHA keńesi: Barsha jetistikterimiz - birlik pen kelisimniń nátıjesi

ASTANA. QazAqparat - Qazaqstan halqy Assambleıasy 1 mamyr - Qazaqstan halqynyń birligi kúnine oraı quttyqtaý joldady. «QazAqparat» HAA oqyrman nazaryna quttyqtaý mátininiń tolyq nusqasyn usynady.

***

Qazaqstan halqy Assambleıasy Sizderdi Qazaqstan halqynyń birligi kúnimen shyn júrekten quttyqtaıdy.

Jalpyulttyq birlik meıramynyń bizdiń elimiz úshin erekshe máni men mańyzdylyǵy bar.

Táýelsizdik jyldarynda qol jetkizgen barsha tabystarymyz ben jetistikterimiz - bul qazaqstandyq qoǵamda birlik pen kelisimdi nyǵaıtýǵa baǵyttalǵan dáıekti saıasattyń nátıjesi.

«Áralýandyq birligi» qaǵıdasy kópetnosty jáne alýan mádenıetti Qazaqstannyń negizi boldy.

Úılesimdi etnosaralyq qatynastardyń qundylyǵyn túsiný, yntymaqtastyq, ózara qoldaý jáne rızashylyq sezimi ómirimiz ben mádenıetimizdiń ajyramas bóligi retinde qoǵamymyzda bekem ornyqty.

Búgin, áleýmettik memleket pen ulttyq ıgiliktiń jańa úlgisin qurý aıasynda bizdiń birligimiz jańa serpin aldy.

«Prezıdenttiń bes áleýmettik bastamasy» - bul qoǵamnyń áleýmettik birliginiń, beıbitshilik pen kelisimniń qazaqstandyq úlgisiniń aýqymdy tuǵyry.

Qurmetti qazaqstandyqtar!

Biz «Birligi joq eldiń - bolashaǵy joq» degen halyq danalyǵyna sáıkes ómir súrip, Otanymyz - Qazaqstan Respýblıkasyn nyǵaıtýdamyz.

Biz - bir elmiz jáne jalǵyz Otanymyz bar. Árqaısymyzdyń taǵdyry - Qazaqstan taǵdyryna baılanysty.

Osy nur shashqan meıramda, biz barshańyzǵa zor densaýlyq, baqyt pen amandyq tileımiz! Osy kún bizdiń shańyraǵymyzǵa qýanysh pen shýaq ákelsin!

Qazaqstan halqy birliginiń kúnimen shyn júrekten quttyqtaýymyzdy qabyl alyńyzdar!

Týǵan jerimiz órkendep, elimiz órleı bersin!