QHA qazaqstandyqtardy Jańa jylmen quttyqtady
«Ótken jyl elimizdiń shejiresindegi mańyzdy beles, jetistikter men tarıhı reformalar jyly boldy. Ulttyq birlik pen kelisimniń arqasynda bolashaq energııasyna arnalǵan halyqaralyq mamandandyrylǵan EKSPO-2017 kórmesi men Ýnıversıada sátti ári joǵary deńgeıde ótkizildi. Álemniń eń básekege qabiletti otyz eliniń ishinde Qazaqstannyń laıyqty oryn alýyn qamtamasyz etýge baǵyttalǵan konstıtýtsııalyq reforma, Qazaqstandy úshinshi jańǵyrtý jáne «Rýhanı jańǵyrý» baǵdarlamalary iske asyrylýda», - delingen quttyqtaýda.
Sondaı-aq, QHA 2017 jyl elge jańa esimderdi tanytqan jyl bolǵandyǵyn atap ótti.
Dımash Qudaıbergen, Dınara Sádýaqasova, Denıs Ten, Danelııa Tóleshovanyń erekshe talanttary jerlesterimizdi halyqaralyq deńgeıde tanymal etti, al «Qazaqstannyń 100 jańa esimi» jobasynyń iske asyrylýy óskeleń urpaq úshin Táýelsizdik jyldaryndaǵy eren eńbektiń arqasynda qol jetkizilgen biregeı tabystar mysalyn ashyp kórsetti.
«2018 jyl ıdeıalar men jetistikterge toly jyl bolsyn, ekonomıkalyq jáne áleýmettik ósýimizdiń, árqaısymyzdyń úılesimdi damýymyzdyń jańa perspektıvalary taǵy da ashyla bersin. Sizderge zor densaýlyq, mol baqyt tileımiz. Otbasyndaǵy shýaq pen jaqyndarymyzdyń súıispenshiligi barshanyń janyn jylytsyn», - deıdi Qazaqstan halqy Assambleıasy.