QHA Qazaqstan halqyn Qurban aıt merekesimen quttyqtady

ASTANA. QazAqparat - QHA barsha qazaqstandyqtardy shapaǵaty mol Qurban aıt merekesimen quttyqtaıdy, - dep habarlady Qazaqstan halqy Assambleıasynyń Keńesi.

« Qymbatty otandastar! Meıirimdilik pen ádilettilik jolynda izgilik pen asqan janashyrlyqtyń saltanat qurýyn barynsha aıqyn beıneleıtin ıslamnyń basty merekeleriniń biri - Qurban aıt - Qazaqstannyń barlyq azamattaryn uıystyrýshy, biriktirýshi halyqtyq dástúrge aınaldy.

Qurban aıt - qoǵamnyń rýhanı ómirindegi mańyzdy oqıǵa, onyń ishki mazmuny halqymyzdyń rýhanı qundylyqtaryn beıneleıdi, al joǵary ımanı áleýeti beıbitshilik pen kelisimdi, qazaqstandyq qoǵamnyń beriktigin odan ári nyǵaıta túsýge qyzmet etedi.

Qymbatty jerlester! Búgingi qasıetti kún barshamyzǵa shapaǵat-nuryn tógip, bolashaqqa jolymyzdy ashsyn!

Barsha qazaqstandyqtarǵa beıbit ómir men bereke, zor densaýlyq, alǵa qoıǵan maqsattaryna tabyspen qol jetkizýlerin tileımiz!

Mereke Sizderdiń otbasylaryńyzǵa qýanysh pen órkendeý ákelsin!» - delingen quttyqtaýda.