QHA: Elbasynyń QR Prezıdenti laýazymyna resmı kirisýi - Qazaqstannyń damýyndaǵy jańa kezeńniń bastalýy
«Qurmetti Nursultan Ábishuly!
Sizdi Qazaqstan Respýblıkasy Prezıdenti laýazymyna resmı kirisýińizben Qazaqstan halqy Assambleıasy shyn júrekten quttyqtaıdy!
Saılaýdaǵy aıqyn jeńisińiz Siz júrgizgen reformalardyń jalpyhalyqtyq qoldaý tapqanyn bildiredi!
Sizdiń Memleket basshysy laýazymyna kirisýińiz - Qazaqstannyń damýyndaǵy jańa kezeńniń bastalýy.
Osy tarıhı oqıǵanyń Qazaqstan halqynyń birligi kúni - bizdiń halqymyzdyń yntymaǵy, el birligi men qoǵamdyq kelisim meıramy qarsańynda ótkizilýiniń maǵynasy zor.
Qazaqstan halqy Assambleıasy barlyq Qazaqstan azamattary úshin zamanaýı memleket qurý maqsatynda qurylǵan «Nurly jol» jańa ekonomıkalyq saıasatyn iske asyrýǵa baǵyttalǵan Bes ınstıtýtsıonaldyq reformanyń tabysty júzege asyrylýynyń senimdi kepili - Sizdiń saıası erik-jigerińiz ekenin málimdeıdi.
Bul mindetter barsha halyqtyń túpkilikti múddeleri men qalaýyna saı, onyń qoldaýyna ıe.
Barsha halyqtyń joǵary senim mandatymen bekitilgen Sizdiń saıası kóshbasshylyǵyńyz el damýynyń aýqymdy maqsattaryna jetýdiń, «Qazaqstan-2050» Strategııasyn oryndaýdyń berik irgetasy bolyp tabylady.
Siz, Elbasy retinde, baıandy bolashaqqa umtylǵan el birliginiń negizi - jalpyulttyq Máńgilik El bolý ıdeıasyn alǵa tartyp, irgeli dúnıetanymdyq kózqaras qalyptastyrdyńyz.
Sizdiń saıasatyńyzdyń ajyramas bóligi men negizgi qaǵıdattary - ekonomıkalyq jetistikter, halyqtyń ál-aýqatynyń artýy, turaqtylyqty bizdiń mıllıondaǵan otandastarymyz qoldaıdy.
Qazaqstan halqy Assambleıasy Sizdiń dana da kóregen memleket qaıratkeri retindegi joǵary halyqaralyq bedelińiz, jańa kezeńde jáne odan keıin de, tabysty syrtqy saıasatty qamtamasyz etetinine, bizdiń elimizdiń jáne halqymyzdyń qaýipsizdiginiń senimdi kepili bolatynyna tolyq senedi.
Qazaqstan halqy Assambleıasy jyly, «Beıbitshilik pen kelisimniń jol kartasy», «20 izgi is» respýblıkalyq aktsııalarynyń jalǵasýy, mıllıondaǵan azamattardyń azamattyq beıbitshilikti, qoǵamdyq kelisimdi, áleýmettik yntymaqtastyqty nyǵaıtýǵa qatysýy - halqymyzdyń Elbasyn qoldaýyn, birigýi men shoǵyrlanýyn jańa deńgeıge kóteretini sózsiz.
Qazaqstan halqy Assambleıasy bolashaq aldyndaǵy zor jaýapkershilikti sezine otyryp, halyq pen eldiń bıik múddelerin eskere otyryp óziniń azamattyq jáne patrıottyq paryzyn oryndaý maqsatynda Qazaqstannyń barsha halqyn kórkeıgen jáne gúldengen Qazaqstan qurý jolyndaǵy barlyq alǵa qoıǵan maqsattarǵa jetý jolynda ózderiniń jeke úlesin qosýǵa shaqyrady!
Assambleıa Qazaqstannyń barlyq halqyn Ult josparyn - «Memleket qurý isindegi endigi 100 naqty qadamdy» iske asyrý úshin barlyq kúsh-jigerdi jumyldyrýǵa úndeıdi, sebebi, bul - bizdiń halqymyzdy biriktiretin ortaq is.
Elbasymen birge, Qazaqstannyń Tuńǵysh Prezıdenti Nursultan Ábishuly Nazarbaevpen birge - Qazaqstan, tek alǵa!» - delingen quttyqtaý hatynda.