QHA Elbasyn Tuńǵysh Prezıdent kúnimen quttyqtady
«Asa qurmetti Nursultan Ábishuly!
Qazaqstan halqynyń ómirindegi ataýly data - Qazaqstan Respýblıkasynyń Tuńǵysh Prezıdenti kúni qarsańynda Qazaqstan halqy Assambleıasynyń atynan Sizge denińizge saýlyq, elimizge izgilik, beıbitshilik pen amandyq tilegen ystyq lebizimizdi, orasan zor alǵysymyzdy qabyl alyńyz.
2015 jyl Táýelsiz Qazaqstan tarıhynda erekshe jyl boldy.
Bul jyly tarıhymyzdaǵy eleýli belester - Qazaqstan Respýblıkasy Konstıtýtsııasynyń 20 jyldyǵy, Qazaqstan halqy Assambleıasynyń jyly, Qazaq handyǵynyń 550 jyldyǵy, Uly Jeńistiń 70 jyldyǵy atalyp ótti.
Tuńǵysh Prezıdent kúni Sizdiń Memleket basshysynyń kezekten tys saılaýyndaǵy aıtýly jeńisińizdiń aıasynda ótýde. Bul jeńis Sizdiń beıbitshilik pen kelisim saıasatyńyzǵa degen búkilhalyqtyq senimniń saltanaty boldy, bolashaqqa senimdilikti, turaqtylyqty jáne jalpyulttyq birlikti nyıǵaıtýdy qamtamasyz etti.
Bıylǵy jyly Qazaqstandy álemniń eń damyǵan 30 eliniń qataryna shyǵarýǵa baǵyttalǵan orasan zor Bes ınstıtýtsıonaldyq reformany júzege asyrý bastaý aldy.
Sizdiń «100 naqty qadam: Barshaǵa arnalǵan qazirgi zamanǵy memleket» Ult josparyńyz Qazaqstan halqynyń «Máńgilik el» jalpyulttyq patrıottyq ıdeıasy qundylyqtarynyń aıasynda birikken Bolashaǵy birtutas ult retinde damýynyń strategııalyq keleshegin aıqyndap berdi.
Tuńǵysh Prezıdent kúni qarsańynda Siz Qazaqstan halqyǵa arnalǵan «Qazaqstan jańa jahandyq naqty ahýalda: ósim, reformalar, damý» atty Joldaýyn jarııa ettińiz. Onda dúnıejúzilik ekonomıkalyq daǵdarys jaǵdaıynda Qazaqstannyń údemeli jáne senimdi damýyn qamtamasyz etý jónindegi jańa mindetter qoıdyńyz.
Joldaý elimizdiń ekonomıkalyq jáne áleýmettik damýdyń barlyq salalary boıynsha Qazaqstannyń ár azamatynyń múddesine saı keletin mańyzdy da qajetti sheshimderiniń bar ekenin kórsetti.
Biz Sizdiń barlyq bastamalaryńyzdy tolyq qoldaımyz, olardyń Qazaqstan halqyn Sizdiń tapsyrmalaryńyz ben mindetterińizdi oryndaýǵa jumyldyratyn jasampazdyq qýatyna senimdimiz.
Biz Sizdi quttyqtaımyz, qurmetti Elbasy! Súıikti Otanymyz Qazaqstan Respýblıkasynyń ál-aýqaty men gúldenýi jolynda Sizge myqty densaýlyq, sarqylmas kúsh-qýat jáne shyǵarmashylyq tileımiz!» - dep jazylǵan quttyqtaýda.