QHA: Baıtaq Otanymyz - Uly Dala Eli máńgilik jasaı bersin
***
Qurmetti otandastar!
Qazaqstan halqy Assambleıasy Sizderdi Otanymyzdyń ulyq merekesi, elimizdiń tarıhyndaǵy qasıetti kún - Qazaqstan Respýblıkasy Táýelsizdiginiń 25 jyldyǵymen quttyqtaıdy!
Táýelsizdiktiń 25 jyldyǵy - árqaısymyz úshin erekshe kún, óıtkeni onymen ata-babalarymyzdyń azattyq týraly ǵasyrlar boıǵy armany, Uly Dala Eliniń qalyptasýy men asqaq jetistikteri tyǵyz baılanysty.
Táýelsizdigimizdi jarııalaı otyryp, biz álemniń zamanaýı qurylymymen birge órilip, órkendeýdiń derbes jolyna tústik. Damý basymdyqtarymyzdy saralap, el kóshin bastaıtyn Elbasymyzdy tańdadyq.
Táýelsizdik jyldary ishinde Qazaqstan Respýblıkasynyń Tuńǵysh Prezıdenti - Elbasy Nursultan Ábishuly Nazarbaev elimizdi Eýrazııa kontınentiniń ozyq eline aınaldyryp, qoǵamda tatýlyq pen kelisimdi qamtamasyz etti.
Osy 25 jyl boıy bizdiń halqymyzdy birlik uǵymy: ortaq qundylyqtardyń, maqsattar men mindetterdiń, taǵdyrymyzdyń birligin túsiný biriktirdi.
Biz Úlken elimizdiń birtutas, jarqyn bolashaq - Máńgilik Elge umtylǵan Úlken otbasyna aınaldyq.
Biz ózimizge jáne búkil álemge halyq birligi bolǵan kezde halyqaralyq qaýymdastyqqa úlgi bolar memleket qurýǵa bolatynyn dáleldedik.
Biz osy shırek ǵasyrda Táýelsiz Qazaqstan dáýirinde dúnıege kelip, tatýlyq pen kelisim ıdeıasy - Bolashaǵy birtutas eldi qalyptastyrý ıdeıasyn qoldap, iske asyratyn tutas bir býynnyń ósip shyqqanyn oryndy maqtan ete alamyz.
Qurmetti otandastar!
Osy mereke sizderdiń ómirlerińizdegi eń jarqyn, ǵajaıyp kúnder retinde esterińizde qalsyn. Qýanysh pen maqtanysh kókirekterińizdi kernep, armandaryńyz oryndalsyn.
Sizderge zor densaýlyq, bereke men yntymaq tileımiz! Tatýlyq pen kelisim Otanymyzdy máńgi mekendesin!
Baıtaq Otanymyz - Uly Dala Eli máńgilik jasaı bersin!