QHA aıasynda halyqaralyq medıatsııa ortalyǵyn qurý josparlanýda
Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR Prezıdenti janyndaǵy «Qoǵamdyq kelisim» RMM dırektory Natalıa Kalashnıkova málim etti.
«Bizde bul baǵytta ózgeshe kontseptýaldyq sheshimderimiz bar. Bizdiń medıatsııa ortalyǵymyzdyń maqsaty etnıkalyq daýlardyń aldyn alýǵa baǵyttalady. Bizdiń oıymyzsha, basty medıatorlar retinde QHA-nyń qoǵamdyq qurylymdary qatysatyn bolady. Sheteldik áriptesterimizge qaraǵanda, bizdiń tájirıbede basqasha quraldar qoldanylady. Olarda medıatsııa «aýrýdy» emdeý bolsa, bizde ony boldyrmaýdyń amaldary qarastyrylady», - dep atap ótti N.Kalashnıkova.
Medıatsııa ortalyǵyn qurý «Úlken el - úlken otbasy» jobasynyń aıasynda júzege asyrylady.
«Ol derbes ınstıtýt bolady. Onyń basty mindeti - belgili bir qaıshylyqtar men daý-damaılardy boldyrmaýdyń quraldary men tetikterin izdeý. Biz qazir qarama-qaıshylyqtar týyndaǵan jaǵdaıda olardy sheshe alatyn aqsaqaldar keńesin qurýymyz qajet», - deıdi ol.
Onyń sózine qaraǵanda, aqsaqaldar keńesi 2018 jylǵa qaraı qurylady. Al 6-7 tamyzda sheteldik mamandardyń qatysýymen medıatsııa ortalyǵyn qurý boıynsha alǵashqy kelissózder bastalady.