QHA atynan QR Parlamenti Májilisiniń depýtattyǵyna úmitkerler Kókshetaýda etnomádenı birlestik ókilderimen kezdesti (FOTO)

KÓKShETAÝ. QazAqparat - Kókshetaýda Qazaqstan halqy Assambleıasy atynan Qazaqstan Respýblıkasy Parlamenti Májilisiniń depýtattyǵyna úmitkerler Ahmed Mýradov, ıÝrıı Tımoşenko men Narııe Mıkaelıan saılaýaldy baǵdarlamalaryn túsindirý maqsatynda óńirdegi etnomádenı birlestik jetekshilerimen jáne jurtshylyq ókilderimen kezdesý ótkizdi.

«Dostyq» úıinde ótken júzdesýde úmitkerler búgingi tańda Parlamentte Assambleıanyń róli zor ekenin tilge tıek etip, besinshi shaqyrylymda saılanǵan depýtattardyń ózderine saılaýshylar tarapynan senip tapsyrylǵan mindetterdi abyroımen atqara bilgendikteri jaıly aıtyp ótti. Birqatar áleýmettik, saıası mańyzy bar máseleler Assambleıa atynan saılanǵan depýtattardyń aralasýymen sheshimin tapqan. Naqtyraq toqtalsaq, jer qatynastary salasyndaǵy, densaýlyq saqtaý jónindegi zańnamalarǵa ózgertýler engizilipti.

Bul joly da úmitkerler saılaýaldy baǵdarlamalaryna mańyzdy áleýmettik máselelerdi negiz etip otyr. Jıynda sóz alǵan Qazaqstan Respýblıkasy Parlamenti Májilisi depýtattyǵyna kandıdat Ahmed Mýradov etnomádenı birlestik jetekshilerine tolǵandyrǵan suraqtaryn joldap otyrýdy, ár saılaýshynyń pikiri mańyzdy ekendigin, kandıdat ıÝrıı Tımoşenko aldaǵy ýaqytta memlekettik merekelerdi ǵana emes, ulttyq meıramdardy da keń kólemde atap ótýge bıýdjetten qarjy bólý máselesin nazarda ustaıtyndyǵyn jetkizdi.