QHA 20 jyldyǵyn merekeleý boıynsha daıyndyq bastaldy - Eraly Toǵjanov
17:04, 23 Sáýir 2014
ASTANA. QazAqparat - Qazaqstan halqy Assambleıasynyń 20 jyldyq mereıtoıyn merekeleý boıynsha daıyndyq jumystary bastaldy. Bul týraly búgin Astanada Qazaqstan halqy Assambleıasy Tóraǵasynyń orynbasary Eraly Toǵjanov Ortalyq kommýnıkatsııalar qyzmetinde ótken brıfıng barysynda málim etti.
«18 sáýirde Qazaqstan halqy Assambleıasynyń XXI sessııasynda QR Prezıdenti Nursultan Nazarbaev 2015 jyldy QHA jyly dep jarııalanǵanyn habarlaǵan bolatyn. Bul óte mańyzdy jáne biz úshin sımvoldyq mánge ıe. Sebebi kelesi jyly QHA-nyń qurylǵanyna jáne Qazaqstan Konstıtýtsııasyna 20 jyl tolady. Bul sharaǵa biz daıyndyqty bastap kettik», - deıdi E.Toǵjanov.
Onyń sózine qaraǵanda, 1 naýryzdan beri elde beıbitshilik jáne kelisimniń jol kartasy aıasynda is-sharalar ótkizilýde.