QHA: 1 qyrkúıekten bastap, JOO-da etnıkalyq toleranttylyq týraly dáris oqylady

ASTANA. QazAqparat - Bıylǵy 1 qyrkúıekten bastap, Qazaqstan halqy Assambleıasynyń kafedralary qurylǵan barlyq JOO oqý baǵdarlamalaryna «etnıkalyq toleranttylyq» týraly dárister engiziledi. Bul týraly búgin L. Gýmılev atyndaǵy Eýrazııa ulttyq ýnıversıtetinde ótken Qazaqstan halqy Assambleıasynyń ekinshi otyrysynda QHA tóraǵasynyń orynbasary, EUÝ-daǵy QHA kafedrasynyń meńgerýshisi Anatolıı Bashmakov aıtty.

«Búgin ótken jyldyń 22 qazanynda qurylǵan QHA kafedralary meńgerýshileriniń respýblıkalyq qaýymdastyǵynyń ekinshi orytysy ótip jatyr. Biz nege úsh aı ótpeı jatyp otyrys ótkizdik? Óıtkeni, jańa jyl bastaldy, bul - QHA jyly. Bul jyl osynaý erekshe ınstıtýtqa arnalǵan tarıhtaǵy tuńǵysh jyl retinde este qalmaq», - dep atap ótti ol.

A. Bashmakovtyń aıtýynsha, otyrystyń ekinshi maqsaty - etnıkalyq toleranttylyq boıynsha dárister kýrsyn josparlaý.

«Bizde qazirdiń ózinde oqý josparynyń nemese arnaıy kýrstyń birneshe nusqalary bar. Al ataýyn áli kásibı túrde ózgertemiz. Sondaı-aq, bizde uzaq ýaqyt boıy JOO júıesinde qyzmet etken mamandar da bar. Sondyqtan, bıylǵy 1 qyrkúıekten bastap, QHA kafedralary bar barlyq joǵary oqý oryndarynda birinshi kýrstardyń baǵdarlamasy atalǵan dáristerdi engizgenin qalaımyz», - dedi ol.