QFF prezıdenti Magomed Adıevke kólik syılady

<p>Qazaqstan fýtbol federatsııasynyń prezıdenti Ádilet Barmenqulov ulttyq quramanyń bas bapkeri Magomed Adıevke kólik kiltin tabystady, dep habarlaıdy <a href="https://kaz.inform.kz/news/ontustk-koreyada-mugalmd-azaptap-oltrgen-kilmisker-sottaldi-30f7cb/Kazinform." target="_blank" rel="noopener">Kazinform.</a></p>

Jattyqtyrýshy bul týraly áleýmettik jelidegi paraqshasynda jazyp, baǵaly syılyq úshin alǵysyn bildirdi. 

«Bapker jáne komanda retinde jankúıerler aldynda tıisti mejeni oryndamaǵanymyzdy bilemin, tıisinshe bul syılyqqa tolyq laıyqtymyn dep aıta almaımyn. Áriptesterimizben birge fýtboldan Eýropa chempıonatyna shyǵý úshin qoldan kelgenniń bárin jasaımyz. Alda úlken jumys kútip turǵanyn sezemiz, sol úshin de ózimizdiń súıikti sportymyz — fýtboldaǵy maqsatymyzdyń oryndalýy úshin aıanyp qalmaımyz. Bul syılyqty baǵalaımyn, ol men úshin motıvatsııa ǵana emes, elimiz ben halqymyz aldyndaǵy mindetimdi esime túsirip turatyn syı bolmaq. Senim men qoldaý úshin barlyǵyńyzǵa alǵys», — dep jazdy Magomed Adıev. 

Aıta keteıik, Qazaqstan quramasy Eýropa birinshiligine tikeleı joldama ala almaǵanymen, naýryzdy Ulttar lıgasy arqyly taǵy da baǵyn synap kóredi. Alǵashqy qarsylamyz Grekııa quramasy bolmaq.