Kezekten tys prezıdenttik saılaýdy halyq qoldap otyr - senator
«Memleket basshysyn jalpyhalyqtyq saılaýda tańdaǵannan keıin onyń qyzmetine kirisýi óte mańyzdy. Osy oraıda Prezıdenttiń kezekten tys saılaýyn 9 maýsymǵa belgilenýi - ol der kezinde qabyldanǵan sheshim. Atalǵan saılaý naýqanyn ótkizý Konstıtýtsııalyq Keńespen kelisilgen, ıaǵnı bul sheshim zańdy bolyp esepteledi», - dep toqtaldy S. Eńsegenov.
Kezekten tys saılaý ýaqytyly ótkiziletinine toqtalǵan senator, «sebebi bizdiń memleketimizdiń aldynda úlken strategııalyq mindetter men maqsattar tur. Elimizdiń ekonomıkasyn, halqymyzdyń ál-aýqatyn jaqsartýǵa baǵyttalǵan úlken baǵdarlamalyq jobalar bar», - dedi.
Onyń paıymynsha, osyndaı kezeńde eldiń ishindegi turaqtylyqty saqtaý, eldiń ekonomıkasy men áleýetin kóterý - jalpyhalyqtyq daýys berý nátıjesinde saılanǵan Prezıdenttiń bolýyn qajet etedi.
«Jalpy, kezekten tys prezıdenttik saılaý týraly sheshimge halyq tarapynan túsinistik bolǵanyn jáne qoldaý jasalǵanyn eskere otyryp, ony der kezinde jasalǵan qadam dep esepteımin», - dedi Sársenbaı Eńsegenov.
Aıta keteıik, keshe Memleket basshysy Qasym-Jomart Toqaev otandyq telearnalar arqyly Qazaqstan halqyna úndeý arnap, onda elimizdiń Konstıtýtsııasyna sáıkes Qazaqstan Respýblıkasy Prezıdentiniń kezekten tys saılaýyn 2019 jyldyń 9 maýsymynda ótkizý týraly sheshim qabyldaǵanyn jarııalaǵan bolatyn.
«Qazaqstan - demokratııalyq memleket. Prezıdent halyqtyń tańdaýymen saılanady. Men, Memleket basshysy retinde saılaýdyń taza, ashyq ári ádil ótýine kepildik beremin! Bul - meniń berik ustanymym! Aldymyzda zor mindetter tur. Men halqymyzǵa, ıaǵnı Sizderge senemin», - degen edi Q.Toqaev.