Kezekten tys prezıdent saılaýyn ótkizýge 4 sebep bar - Aıdos Sarym
«Geosaıasat. Tuńǵysh Prezıdenttiń óz ókilettigin toqtatýyn kópshilik kútpedi. Alǵashqy kúnderi el basshylyǵymen bir ǵana Qytaı elshisi bes ret kezdesti. Tranzıtke kirýge bolady, bul ońaı. Biraq, onda qalyp qoıýǵa da bolady. Bizge álemnen oqshaýlanýǵa, strategııalyq belgisizdikke jol berýge bolmaıdy. Ekeýi de ishki sharýalarymyzǵa úlken oıynshylardyń kıligýine ákep soǵady», - dep jazdy saıasattanýshy óziniń Telegram kanalynda.
Ekinshiden, saılaý ınvestıtsııalyq jáne bıznes ahýalǵa áser etedi.
«Otandyq jáne ǵalamdyq bıznestiń oıyn erejelerin uzartýdy nemese jańa, túsinikti erejelerdi kútip otyrǵany jasyryn emes. Ótken jylmen salystyrǵanda, ishki ınvestıtsııa eki ese azaıdy. Tipti iri reıtıng agenttikteri de kezekten tys saılaýǵa ıshara jasaýda», - dep atap ótti ol.
Úshinshi sebep retinde saıasattanýshy bılik pen memlekettik apparattyń birligin atady.
«Bizdiń elıta kúrdelilik pen belgisizdik jaǵdaıynda jumys isteı almaıdy. Eger ótpeli kezeń uzaqqa sozylar bolsa, memlekettik apparat pen elıtanyń bir bóligi buzylady. 2004 jyldy, Asar partııasyn eske alaıyq. Kelesi jylǵa deıin sozsaq, qoǵamdy álsiretip alamyz», - dep esepteıdi sarapshy.
Sonymen birge, A. Sarymnyń pikirinshe, saılaý eldegi partııalyq-saıası jaǵdaıǵa oń yqpalyn tıgizedi.
«Saılaý eldegi partııalyq-saıası júıeni qaıta jańartady, 2001 jylǵy jikke bólinýdi jabady. Qazirdiń ózinde partııalyq ambıtsııasy týraly aıta alatyn eń kemi 5-6 oıynshy paıda boldy. Bul saılaý - biz úshin úlken múmkindik», - dep sózin túıindedi ol.