Kezekten tys QR Prezıdenti saılaýyna 35 sheteldik baıqaýshy akkredıtteldi - QR OSK

ASTANA. QazAqparat - Kezekten tys QR Prezıdenti saılaýyna 35 sheteldik baıqaýshy akkredıtteldi. Bul týraly búgin QR Ortalyq saılaý komıssııasynyń otyrysynda komıssııa múshesi Tatıana Ohlopkova málim etti.

«Búgingi tańda QR Ortalyq saılaý komısııasy elimizdiń Syrtqy ister mınıstrliginiń usynysymen eki halyqaralyq uıym mıssııasynan jáne birqatar sheteldik memleketten 35 baıqaýshyny akkredıttedi», - dedi ol.

T.Ohlopkovanyń aıtýynsha, baıqaýshylardyń 13-i EQYU-nyń Demokratııalyq ınstıtýttar jáne adam quqyqtary jónindegi bıýrosynan tirkelse, 5 baıqaýshy TMD mıssııasy atynan, al 17 baıqaýshy 10 memlekettiń atynan kezekten tys QR Prezıdenti saılaýyn baıqamaq.

«Buǵan qosa, QR Syrtqy ister mınıstrligi sheteldik buqaralyq aqparat quraldarynyń 98 ókilin akkredıttegen. Olardyń da el aýmaǵynda saılaý barysyn baıqaýǵa quqyǵy bar», - dedi QR OSK múshesi.