Kez kelgen qıyndyqqa daıyn bolýymyz kerek - Prezıdent

NUR-SULTAN. QazAqparat – Kez kelgen qıyndyqqa daıyn bolýymyz kerek. Bul týraly Ulttyq qoǵamdyq senim keńesiniń 5-otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Búgingi otyrysty aýqymdy ári mańyzdy máselelerdi talqyladyq. Elimizdi júıeli reformalaýǵa qajetti naqty sharalardy aıqyndadyq. Tıisti sheshimderdi qabyldadyq. Bıyl memleketimiz úshin erekshe jyl. Táýelsizdiktiń 30 jyldyq belesin atap ótemiz. Sondaı-aq bul- aıryqsha syn-qaterler kezeńi. Biz kez kelgen qıyndyqqa daıyn bolýymyz kerek», - dedi Qazaqstan Prezıdenti.

Memleket basshysy elimizdiń bolashaqtaǵy damý joly osy synnan súrinbeı ótýimizge baılanysty ekendigin basa aıtty.

«Biz josparlanǵan ózgeristerdi oıdaǵydaı júzege asyrýǵa kúsh-jigerimizdi salýymyz kerek. Barlyq negizgi baǵyttar men salalar boıynsha alǵa ilgerileýimiz qajet. Bul maqsatqa syndarly jáne ózara senimdi dıalogtyń arqasynda qol jetkizýge bolady», - dedi Qasym-Jomart Toqaev.