Keıingi birneshe jylda Ortalyq Azııadaǵy muzdyqtardyń 30% erip ketti
Ortalyq Azııa halyqaralyq ınstıtýtynda ótken is-sharaǵa Qyrǵyzstan men Ózbekstannyń jetekshi analıtıkalyq ortalyqtary jáne ǵylymı-zertteý ınstıtýttarynyń sarapshylary, mınıstrlik pen vedomstvolardyń ókilderi qatysty.
Basqosý barysynda Ózbekstan men Qyrǵyzstan arasyndaǵy strategııalyq yntymaqtastyqtyń mańyzdy baǵyttary talqylandy. Atap aıtqanda, sarapshylar ózara taýar aınalymyn arttyrý, energetıka, kólik-logıstıkalyq dálizderdi damytý jáne Ortalyq Azııadaǵy sý máselesine erekshe toqtaldy.
«Ortalyq Azııadaǵy sýdyń basym bóligi muzdyqtardan jınalady. Keıingi birneshe jylda muzdyqtardyń shamamen 30%-y erip ketti. Eger bul máselege den qoıyp, ony sheshý boıynsha jumys atqarmasaq, onda osy ǵasyrdyń orta kezeńinde muzdyqtardyń jartysynan kóbinen aıyrylamyz. Búginde Ortalyq Azııadaǵy muzdyqtardyń 45%-y Qyrǵyzstannyń aýmaǵynda. Jahandyq jylyný saldarynan olar tez erip, elmizdiń aımaqtarynda sel júrý qaýipin údete tústi», — dedi Qyrǵyzstan prezıdenti janyndaǵy Ulttyq strategııalyq bastamalar ınstıtýtynyń ǵylymı qyzmetkeri Azamat Omýrkýlov.
Sarapshynyń atap ótýinshe, sý resýrstaryn tıimdi paıdalaný úshin Ortalyq Azııa elderine ortaq aımaqtyq strategııa qajet. ıAǵnı, ár memleket jeke dara emes, kerisinshe birlesip áreket etýi tıis. Konferentsııaǵa qatysýshylar bul baǵyttaǵy ilkimdi joba retinde «Qambarata» gıdroelektrostantsııasynyń qurylysyn atap ótti.
«Qazirgi ýaqytta eki eldiń jalpy óńirlik mańyzy bar kólik-logıstıkalyq jáne energetıkalyq jobalardy iske asyrýdaǵy ózara is-qımyly strategııalyq turǵydan mańyzdy bolyp otyr. Bıyl maýsymda bolǵan eki tarıhı oqıǵa buǵan dálel: ol «Qytaı — Qyrǵyzstan — Ózbekstan» temir jolynyń qurylysy jáne „Qambarata“ GES-in salý jónindegi yntymaqtastyq kelisimder. Bul iri jobalar Ortalyq Azııadaǵy ıntegratsııanyń jańa deńgeıge shyqqanyn aıǵaqtaıdy», — dep pikir qosty ÓR prezıdenti janyndaǵy Strategııalyq jáne óńiraralyq zertteýler ınstıtýty dırektorynyń orynbasary Akramjon Nematov.
Aıta keteıik, «Ózbekstan-Qyrǵyzstan: strategııalyq áriptestik sınergııasy» konferentsııasy Qyrǵyzstan prezıdenti Sadyr Japarovtyń Ózbekstanǵa josparlanǵan memlekettik sapary qarsańynda ótti.