Keıki batyrdyń basyna jeti jerden aýyr soqqy tıgen - Nursan Álimbaı

ASTANA. QazAqparat - Keıki batyrdyń bas súıegi qatty zaqymdanýynyń saldarynan zertteý jumystary qıynǵa tústi. Bul týraly QR Mádenıet jáne sport mınıstrliginde ótken baspasóz máslıhatynda QR Memlekettik ortalyq mýzeıiniń dırektory Nursan Álimbaı málim etti, dep habarlaıdy QazAqparat.

«Batyrdyń bas súıegi qatty zaqymdanýy saldarynan músindi jasaý qıynǵa tústi. Antropologtardyń aıtýy boıynsha, soqqy jeti jerden tıgen eken, osy rette sol jaq bóligi men shúıdesi opyrylyp qalǵan. Sonymen qatar aldyńǵy tisteri túgel talqandalǵan. Muryn súıegine de qatty zaqym kelen. Osy oraıda plastıkalyq antropologııalyq kelbetin jasaǵan kezde qıyndyq týǵyzatyny sózsiz. Biraq, qazirgi tehnologııalar bas súıekti qalpyna keltirýge qaýqarly»,-ded Álimbaı.

Ǵalymnyń sózine qaraǵanda, majar mamandary eki aı boıy ózderiniń jumystaryn ysyryp qoıyp, elimizdiń ótinishi boıynsha batyrdyń bas súıegimen aınalysty.

Eske sala ketsek qazan aıynyń basynda Majarstanda Keıki batyrdyń bas súıegin qalpyna keltirý jumystary bastalǵan bolatyn. Vengrııanyń jaratylystaný ǵylymdary mýzeıiniń antropologııalyq bólimine jetekshilik etetin Agnesh Kýshtar Keıki batyrdyń bas súıegin qalpyna keltirý jumystaryn óz basshylyǵyna alǵan edi.