Keıingi jyldary Ortalyq Azııada jańa deńgeıdegi ózara yntymaqtastyq ornady – Abdýlla Arıpov
«Biz qazir klımattyń ózgerýi, sý jáne tabıǵı resýrstardyń tapshylyǵy, pandemııanyń áleýmettik-ekonomıkalyq saldary men energetıkalyq daǵdarys sııaqty syn-qaterlermen betpe-bet kelip otyrmyz. Bul faktorlar turaqty damýǵa aıtarlyqtaı qaýip tóndiredi. Atalǵan máseleler onsyzda da kúrdeli jaǵdaıda turǵan álemdik ekonomıkanyń damýyna kedergi bolyp otyr. Sondaı-aq, buǵan deıin qoldanylyp kelgen taýar tasymaldaý marshrýttarynyń ózgerip jatqany baıqalady. Osy kezeńde bizge birlesip jumys istep, kostrýktıvti dıalog ornatý mańyzdy. Bul rette seriktestiktiń jarqyn úlgisi retinde Ortalyq Azııa elderin atap ótkim keledi», - dedi Abdýlla Arıpov.
Ózbekstan premer-mınıstriniń sózinshe, Ortalyq Azııa memleketteriniń basshylary usynǵan júıeli saıası sheshimder búginde bar máselelerdi ýaqytyly sheshýge yqpal etip otyr.
«Sońǵy jyldary Ortalyq Azııada múldem basqa ári jańa deńgeıdegi ózara yntymaqtastyq ornady. Bul óz kezeginde aımaqtaǵy eń qıyn máselelerdi sheshýge múmkindik beredi», - dep toqtaldy
Munymen qatar ol Ortalyq Azııa elderi arasyndaǵy taýar aınalamy birneshe ese ósip, buryn-sondy bolǵan kórsetkishterden asyp túsýge jaqyndap qalǵanyn atap ótti.