Keıingi 5 jylda kámeletke tolmaǵan 10 845 azamat qylmystyq jaýapqa tartyldy – ІІM

ASTANA. QazAqparat – Keıingi 5 jyl ishinde 10 845 kámeletke tolmaǵan azamat qylmystyq jaýapqa tartyldy. Bul «Ashyq» NQA portalynda jarııalanǵan Qoǵammen áriptestikte qoǵamdyq qaýipsizdikti qamtamasyz etýdiń 2024-2028 jyldarǵa arnalǵan tujyrymdamasynda jazylǵan, dep habarlaıdy QazAqparat tilshisi.

«2019 jyldan beri jumys istemeıtin otbasylar men kámeletke tolmaǵandardy medıtsınalyq-áleýmettik esepke alý ınstıtýty zańdy túrde bekitildi. Alaıda, osy jumysty reglamentteıtin quqyqtyq aktiniń bolmaýyna baılanysty is-sharalar jergilikti jerde durys júrgizilmeıdi. Osy kezeńdegi jasóspirimder qylmysynyń qurylymynda qylmystardyń orta eseppen 63%-y aýyrlyǵy ortasha, 25%-y aýyr, 10%-y onsha aýyr emes, 2%-y asa aýyr sanatqa jatady.

5 jyl ishinde 10 845 kámeletke tolmaǵan azamat qylmystyq jaýapqa tartyldy. Onyń 75%-y (8 118) jeke menshikke qarsy qylmystar, 10%-y (1 160) qoǵamdyq qaýipsizdik pen tártipke qarsy qylmystar jáne 11% - jeke tulǵaǵa qarsy (1 238)», - dep jazylǵan kópshilik talqylaýǵa shyǵarylǵan qujatta.

Atap aıtqanda, osy qylmystar úshin jasóspirimderdiń 444-i bas bostandyǵynan aıyrylyp, 4 030 is negizdiń bolmaýyna baılanysty toqtatylǵan.