Keıingi 10 jylda jemis shyryndarynyń óndirisi 2,6 ese azaıǵan

ASTANA. QazAqparat – Byltyr jemis shyryndarynyń baǵasy 2021 jylmen salystyrǵanda 28,1% qymbattaǵan, dep habarlaıdy QazAqparat tilshisi.

Bul týraly Energyprom.kz resýrsynyń saraptamasynda aıtylǵan.

2022 jyldyń qańtar-qarasha aılarynda jemis pen kókónis shyryndaryn óndirý kólemi 65,4 mln lıtr bolǵan. Bul 2021 jyldyń kórsetkishinen 7,2% kóp.

Ulttyq statıstıka bıýrosynyń málimetine qaraǵanda, bul kórsetkish boıynsha Almaty oblysy (27,9 mln lıtr), Almaty (4,7 mln lıtr) qalasy men Túrkistan oblysy (1,3 mln lıtr) alǵashqy úshtikte tur.

Bul kezeńde óndirilgen shyryndardyń 94,3%-y jemisten alynǵan – 61,7 mln lıtr. Al qalǵan 3,7 mıllıon lıtr shyryn kókónisten alynǵan», - dep jazady Energyprom.kz.

2022 jylǵy jeltoqsan aıynyń qorytyndysy boıynsha jemis-kókónis shyryndarynyń baǵasy bir aıda 1,7% ósken. Ásirese naýryz jáne sáýir aılarynda jemis shyryndary 3,6%, kókónis shyryndary 3,5% qymbattaǵan.

«2021 jyldyń jeltoqsanymen salystyrǵanda jemis-kókónis shyryndarynyń baǵasy 2022 jyldyń jeltoqsanynda 28,1% ósti.

Óńirler arasynda eń eleýli jyldyq ósim Qyzylorda (45%), Jetisý (41%) jáne Aqmola (37,6%) oblystarynda baıqaldy», - delingen saraptamada.

Foto: computerhoy.com