Keıingi 10 jylda soltústik, shyǵys, ortalyq óńirlerden halyq úzdiksiz kóship jatyr
«2010-2020 jyldar aralyǵynda ishki kóshi-qon aǵyny esebinen halyqtyń ósýi Aqtóbe oblysynda, Astana, Almaty jáne Shymkent qalalarynda baıqaldy. Atalǵan óńirlerde el halqynyń 36%-y turady. Sonymen qatar, Qaraǵandy, Qostanaı, Pavlodar, Soltústik Qazaqstan jáne Shyǵys Qazaqstan oblystarynan halyq júıeli túrde kóship jatyr. Munyń bári, saıyp kelgende, óńirler arasyndaǵy eleýli áleýmettik jáne ekonomıkalyq teńgerimsizdikterge ǵana emes, sondaı-aq eldi mekenderdiń, ásirese shekara mańy oblystarynyń álsiz qonystanýyna baılanysty ulttyq qaýipsizdikke tónetin qaterlerdiń týyndaýyna alyp keledi», - dedi senator.
Depýtat paıymynsha, óńirlerde jumys oryndaryn ashý jáne ınjenerlik ınfraqurylymdy damytý jaqyn arada ortalyq jáne jergilikti bılik úshin basym mindet bolýǵa tıis.
«Bul jumys, eń aldymen óńirlik standarttar júıesine baılanystyrylyp, qala men aýyl turǵyndary úshin áleýmettik jáne ınjenerlik-tehnıkalyq ınfraqurylymnyń qoljetimdiligi tómen standarty boınysha júrgizilýge tıis. 2019 jyldan bastap qoldanylyp kele jatqan óńirlik standarttar júıesi qaıta qaraýdy talap etedi dep esepteımiz. Óıtkeni, aýyldyq eldi mekender úshin bekitilgen obektiler men qyzmetter tizbesi veterınarııalyq pýnkt, mal qorymdary, qatty turmystyq qaldyqtar polıgondary sııaqty mańyzdy oryndardy kózdemeıdi», - dedi Serik Shaıdarov.