Keıbir ákimder men mınıstrler ınvestor tartý isine jóndi atsalyspaı otyr – Memleket basshysy

<p>ASTANA. KAZINFORM &ndash; Prezıdent Qasym-Jomart Toqaev &laquo;Ádiletti Qazaqstan: zań men tártip, ekonomıkalyq ósim, qoǵamdyq optımızm&raquo; atty Joldaýynda Úkimet janyndaǵy Investıtsııa shtabyna nege aýqymdy quzyret berilgenin aıtty.</p>

«Dúnıe júzinde ınvestıtsııaǵa talas órship turǵan kezde elge qarjy tartý úshin «dál osy jerde jáne dál qazir» qaǵıdasy boıynsha sheshim qabyldaý – eń qajet shara. Sondyqtan Úkimet janyndaǵy Investıtsııa shtabyna aýqymdy quzyret berildi. Bul qadam metaldy tereń óńdeý, munaı-gaz-kómir hımııasy, týrızm, energetıka jáne mashına jasaý sııaqty mańyzdy salalardaǵy jobalardy júzege asyrý qarqynyn arttyrýǵa jol ashty. Ekonomıkaǵa salynǵan tikeleı ınvestıtsııa kólemin azaıtyp almaý úshin osy baǵyttaǵy jumysty kúsheıtý kerek. Keıbir ákimder men mınıstrler ınvestor tartý isine jóndi atsalyspaı otyrǵanyn atap ótkim keledi. Úkimet bul sharýany retke keltirýge tıis», - dedi Qasym-Jomart Toqaev.

Prezıdent memlekettik-jekemenshik áriptestik arqyly iske asyrylatyn jobalardy sapaly ázirleý kerektigin eske saldy.

«Ásirese, halyqaralyq qarjy ınstıtýttary qatysatyn jobalarǵa basa nazar aýdarý kerek. Úkimetke halyqaralyq qarjy uıymdary memlekettik-jekemenshik áriptestik tásilimen qarjylandyryp, tolyq júzege asyratyn aýqymdy jobalardyń tizimin jasaýdy tapsyramyn. Men bıyl mamyr aıynda «Ekonomıkany yryqtandyrý sharalary týraly» Jarlyqqa qol qoıdym. Bul qujatta kórsetilgen talaptar múltiksiz oryndalýǵa tıis», - edi Memleket basshysy.