Keıbireýler polıtseıge ádeıi tıisip, arandatady, sondaı kezde ustamdylyq tanytý mańyzdy - Toqaev
«Áleýmettik jelide polıtsııaǵa qatysty túrli beınejazbalar bar. Keıbir adamdar qasaqana arandatýshylyq jasaıdy. Sondaı kezde ustamdylyq tanytyp, dóreki áreketterge jol bermeý óte mańyzdy. Tártip saqshysy saýatty sóılep, ózin laıyqty ustaýy qajet. Polıtsııa qyzmetkeri zańdardy anyq bilýge tıis, ıaǵnı elimizdiń zańdaryn jurtqa qarapaıym tilmen túsindirýge daıyn bolýy qajet. Sonda ǵana polıtsııa men halyq arasynda myzǵymas kelisim bolady. Árıne, ofıtserlerdiń arasynda kásibı bilikti, antyna adal azamattar kóp. Sondaı qyzmetkerler ózgelerge, ásirese, jastarǵa úlgi-ónege kórsetýde. Osyndaı úzdik qyzmetkerlerdi qoldaý qajet. Erlik kórsetken ofıtser, serjanttar týraly jurt bilýge tıis. Bul – bizdiń tıisti mınıstrliktiń jáne jalpy buqaralyq aqparat quraldarynyń mindeti. Ózderińizge málim, memleket ishki ister organdarynyń jumysyn árdaıym joǵary baǵalaıdy», - dep túıindedi Memleket basshysy.