Keıbir mektep oqýlyqtary qosymsha saraptamadan ótkizýge qaıtaryldy

Foto: None
ASTANA. QazAqparat - QR Bilim jáne ǵylym mınıstrligi keıbir mektep oqýlyqtaryna saraptama júrgizedi. Bul týraly Úkimet úıindegi baspasóz máslıhatynda atalǵan vedomstvonyń basshysy Kúlásh Shamshıdınova málim etti, dep habarlaıdy QazAqparat tilshisi.

«Oqýlyqqa qatysty toqtalsaq, bul turǵyda kóp máseleler kóterilýde. Sebebi bul oqý materıaly muǵalimge de, balaǵa da qajet bolǵandyqtan, onyń sapasy óte mańyzdy», - dedi mınıstr.

K. Shamshıdınova bilim berýdiń jańartylǵan mazmuny elimizde 2016 jyldan engizilgenin eske saldy.

«Osy júıe kontseptýaldy jańa qadam boldy. Bul jaǵdaılarda muǵalimderdi, sarapshylardy oqytý júrip jatyr. Sonymen qatar, avtor da oqýlyqty tıisti deńgeıde jazýǵa daıyn bolýy tıis. Árıne, osy kezeńde oqýlyqtar boıynsha belgili bir problemalar bar», - dedi mınıstr.

Onyń sózine qaraǵanda, jaqynda sarapshylyq komıssııa óz jumysyn aıaqtady.

«Respýblıkalyq komıssııa saraptamalyq komıssııanyń qorytyndysyn qaraǵanan keıin, oqýlyqtardyń tıisti kólemin oqý protsesine jiberdi. Respýblıkalyq komıssııa tarıhynda alǵash ret birqatar oqýlyq qosymsha saraptamadan ótkizýge qaıtaryldy. Sondyqtan Bilim jáne ǵylym mınıstrligi qosymsha saraptamany uıymdastyrady, osy sharalarǵa múldem basqa mamandar tartylady», - dedi ol.

Seıchas chıtaıýt