Keıbir federatsııalar bapkerlerdi attestattaý boıynsha jumys júrgizbeıdi – Dáýren Abaev
Dáýren Abaev elimizdegi 25 jeńil atletıkalyq manejdiń tek birnesheýi ǵana jalpy talaptarǵa saı ekenin aıtty. Al 367 júzý basseıniniń tek ekeýinde halyqaralyq talaptardy eskere otyryp jarystardy ótkizýge bolatyndyǵyna qynjylys bildirdi. Sonymen qatar ol ulttyq qurama komanda múshelerin daıarlaýdy qamtamasyz etý máselelerine de toqtaldy. Shilde aıynan bastap respýblıkalyq sport kolledji bazasynda kúres túrleri boıynsha jattyǵý ortalyǵynyń jumysy pılottyq rejımde iske qosylsa, K.Ahmetov atyndaǵy respýblıkalyq olımpıadalyq rezerv mektep-ınternat-kolledji bazasynda Dzıýdo akademııasy ashylǵanyn atap ótti.
Mınıstr kadrlyq qamtamasyz etý máselesine erekshe nazar aýdardy.
«Búginde elimizde 13 700 bapker jumys isteıdi. Olardyń tek 4 paıyzy ǵana jyl saıyn biliktilikti arttyrý kýrstarynan ótip júr. Keıbir federatsııalar tipti bapkerlerdi attestattaý boıynsha jumys júrgizbeıdi. Sondyqtan federatsııalar osy baǵyttaǵy jumysty jandandyrýy qajet», – dedi mınıstr.
Foto: www.facebook.com/Daýren Abaev