Keıbir adamdar dinı qaǵıdalardy sózbe-sóz oryndaýdy joǵary orynǵa qoıǵan - Ermekbaev
«Din salasyna toqtalatyn bolsaq, qoǵamnyń qaýipsiz bolashaǵyna baılanysty kóptegen suraqtar osy jerde shoǵyrlanǵan. «Memleket dinı birlestikterdi óziniń áriptesi sanaı ma, álde qaýip-qaterlerdiń shyǵý kózi retinde kóre me?» degen suraq bizge jıi qoıylady. Biz olarǵa qoǵamnyń rýhanı máselelerin sheshýde senimdi áriptesimiz retinde arqa súıenetimizdi naqty ata alamyz, biraq buǵan birneshe sharttar bar. Birinshiden, din árbir adamnyń jeke isi, ol saıasılanbaýy jáne zańdardy aýystyrmaýy kerek. Ekinshiden, din rýhanı qundylyqtarǵa basa nazar aýdaryp, basqa ustanymdaǵylardy aıyptaýǵa, kinálaýǵa jol bermeýi kerek», - dedi mınıstr.
Osy oraıda ol Prezıdent «Bolashaqqa baǵdar: Rýhanı jańǵyrý» maqalasynda zaıyrly dástúrler Qazaqstannyń erteden kele jatqan murasy dep atap ótkenin eske salyp ótti.
«Bunyń negizinde tózimdilik, beıbitshilik jáne barlyq dindarlardyń quqyqtaryn qurmetteý jatyr. Adamdar zaıyrly demokratııalyq memleket jetistikteriniń ornyna ortaǵysyrlyq tártippen alasapyran keleýi múmkin dep alańdaıdy. Bundaı protsester birqatar elderde oryn alǵan. Bul jaǵdaıdy qysqasha aıtsaq, eger de biz búgin zaıyrly dástúrlerimizdi joǵaltsaq, azamattarymyzdyń úmit otyn joǵaltamyz. Osy rette zaıyrlylyq ateızm emes ekenin de túsingen mańyzdy. Qazaqstanda 3 600-den astam dinı birlestik jumys isteıdi. Olar 18 konfessııany qamtıdy. Konstıtýtsııa men zańdar boıynsha barlyq dinder teń, birde bir din ózge dinder aldynda artyqshylyqqa ıe emes. Búgingi kúni dinı birlestiktermen birge eńseretin birqatar syn-qaterler tur. Birinshiden, sońǵy jyldary azamattar dinshildiginiń jyldam ósýi - dinı mádenıettiń durys qalyptasýynan jáne dinı dogmalardy synı qabyldaýdan ozyp ketti. Keıbir dinshil adamdar dinı qaǵıdalardy sózbe-sóz buljytpaı oryndaýdy zańdar men zaıyrly ǵıbrattarynan joǵary orynǵa qoıyp otyr. Bul otbasyndaǵy, sondaı-aq jalpy memlekettik kúrdeli syn-qaterlerdiń, shıelenisterdiń shyǵý kózi», - deıdi N.Ermekbaev.